Kreu i Odës së Mjekëve në Australi kërcënon të pavaksinuarit me dënime të ashpra: Do ta keni një jetë të mjerë

Presidenti i Odës së Mjekëve australianë në Queensland, ka një porosi për të gjithë ata që nuk besojnë në efikasitetin e vaksinave anti-COVID dhe fuqishëm i kundërshtojnë.

Australia së fundmi ka hequr dorë nga strategjia kontroverse “zero-COVID”, ku me izolime të pafundme tentuan të çrrënjosin coronavirusin, por tani gjykuar nga veprimet kanë filluar me një metodë të re, transmeton Telegrafi.

Kreu i Odës së Mjekëve në Australi (AMA), Chris Perry, ka kërcënuar bashkëqytetarët që nuk duan të vaksinohen – duke iu shqiptuar dënime të ashpra dhe dënime për mashtrim, por edhe më izolim nga pjesa tjetër e shoqërisë.

“Jeta e atyre që nuk janë vaksinuar do të jetë e mjerë. Nuk do të mund të fshiheni”, ka thënë Perry për televizionin Channel 9.

“It’s going to be very hard to maintain your employment if you’re not vaccinated and you won’t be able to go anywhere for any entertainment." – Dr. Chris Perry, AMA. He promises that Australians who refuse the jab will have a "very, very lonely life." pic.twitter.com/UZwawpnQaK

— Ian Miles Cheong (@stillgray) November 11, 2021

Perry ka folur edhe për të ardhmen e Queenslandit në pikun e coronavirusit – duke i cilësuar si të “çmendur” ata që po shmangin vaksinimin.

Ai paralajmëroi edhe ata që kanë arsye se pse nuk po e marrin vaksinën anti-COVID, duke theksuar se do të kenë problem të kanë qasje “te mjekët”.

E sa i përket dënimeve, ai pranoi se “pacientët që gënjejnë sa i përket vaksinimit mund të dënohen ashpër”. /Telegrafi/