Kreu i inteligjencës ushtarake të Ukrainës: Kemi sulmuar bazën e rusëve në Krime, ata po fshehin numrin e të vdekurve

Kyrylo Budanov, kreu i shërbimit të inteligjencës ushtarake të Ukrainës, njoftoi se shpërthimi i mbrëmshëm i një magazine municioni në një bazë ushtarake ruse në Krimenë e pushtuar, ishte një operacion i forcave speciale ukrainase.

“Ne kryem me sukses një operacion në Krimenë e pushtuar. Armiku po fsheh shkallën e dëmit dhe numrin e viktimave”, njoftoi Budanov në kanalin e tij Telegram.

Sergei Aksyonov, guvernatori i Krimesë, i cili u emërua nga Moska, shkroi më parë në Telegram se është planifikuar evakuimi i përkohshëm i rreth dy mijë njerëzve nga rrethi Kirovsky në gadishullin e aneksuar.

Arsyeja e evakuimit është një zjarr që shpërtheu në terrenet e stërvitjes ushtarake, transmeton Telegrafi.

Lexo po ashtu Një bazë ushtarake ruse në Krime po digjet, mbyllet autostrada – planifikohet evakuimi i 2000 njerëzve

“Është planifikuar një evakuim i përkohshëm i popullsisë nga katër zona të banuara. Në total, bëhet fjalë për rreth 2000 njerëz”, tha Aksyonov.

Ai konfirmoi se autostrada e afërt Tavrida ishte e mbyllur. Për shkak të zjarrit u formua një ekip krizash. Më herët, agjencia e lajmeve RBC-Ukrainë raportoi se ka pasur shpërthime në bazat ushtarake.

Mediat ukrainase dhe kanalet ruse Telegram, të lidhura me shërbimet ruse të sigurisë, raportojnë se magazina e armëve është në fakt në flakë pas një sulmi ajror nga Ukraina të kryer gjatë natës.

Serhiy Bratchuk, zëdhënësi i administratës ushtarake të Odessa, publikoi dy video të zjarrit në një zonë të pabanuar, me përshkrimin: “depo e armëve të armikut, Krimea e vjetër”. /Telegrafi/

July 19th, multiple secondary explosions at the Starokrymsky training ground in Crimea, which has been used, among other things, to train the 56th Guards Air Assault Regiment of the Russian army. pic.twitter.com/oj1CgZt1io

— Mark Krutov (@kromark) July 19, 2023