Krejt çfarë dihet rreth sulmit me armë në Hamburg të Gjermanisë – përfshirë edhe pamje nga vendi i ngjarjes

Një numër njerëzish janë vrarë nga të shtënat në një qendër të Dëshmitarëve të Jehovait në qytetin verior gjerman të Hamburgut.

Policia thotë se një person i armatosur besohet të jetë i vdekur, megjithatë mbetet e paqartë nëse sulmuesi është në mesin e gjashtë apo shtatë viktimave të raportuara nga mediat gjermane.

Lexo po ashtu Vrasja e shtatë personave në Hamburg të Gjermanisë, sulmuesi besohet të jetë në mesin e të vrarëve

Ende nuk dihet se cili ishte motivi i këtij sulmi, thotë policia.

Pos shtatë viktimave të evidentuar, nga sulmi mbetën të plagosur edhe 25 persona të tjerë. Qendra e Dëshmitarëve të Jehovait ku ndodhi sulmi është në rrugën “Deelböge” në lagjen Gross Borstel të qytetit.

Forcat gjermane të rendit bashkë me ambulancat janë aktualisht në vendin e ngjarjes.

Në pamjet e publikuara në rrjetet sociale u panë disa të plagosur që po barteshin nga objekti ku ndodhi krimi.

The number of dead at mass shooting at Jehovah’s witness centre in #Hamburg, #Germany rises to 7, gunman believed to be amongst the dead, huge police operation ensues.#AttackOnTheChurch
pic.twitter.com/08My4GnANL

— Najibullah Farhodi (@Najib_Farhodi) March 9, 2023

Policia gjermane ka kërkuar që të mos përhapet paniku dhe banorëve të lagjes në Hamburg iu bëri thirrje të qëndrojnë brenda.

Zëdhënësi i policisë Holger Vehren tha se hetuesit kishin “indikacione se një i dyshuar mund të ketë qenë në ndërtesë dhe mund të jetë edhe në mesin e të vdekurve”, raporton agjencia e lajmeve Associated Press.

Multiple people have been killed in a church shooting in Hamburg, Germany https://t.co/DqCVSY2fJ9 pic.twitter.com/T2XaFmnsLO

— Bloomberg (@business) March 9, 2023

Vehren tha se policia kishte dëgjuar “të shtëna që vinin nga katet e sipërme të ndërtesës”. Nuk kishte të dhëna për ndonjë të dyshuar në arrati, shtoi zëdhënësi.

Ai tha gjithashtu se nuk kishte informacion për shkallën e lëndimeve të të plagosurve të cilët ishin dërguar në spital.

Dëshmitarët e Jehovait janë një sekt i krishterimit, me shumë pikëpamje tradicionale të krishtera dhe të tjera që janë unike për Dëshmitarët. /Telegrafi/