Kosova mund të marrë pjesë në “Eurovision 2018” nëse merr ftesë nga Portugalia (Foto)

Viti 2018 mund të shënojë një rekord në numrin e shteteve që do të garojnë në festivalin më të madh të këngës “Eurovision”.

Nga viti 2011 kur “Eurovisioni” u mbajt në Gjermani dhe ku konkurruan plot 43 shtete, ky numër mund të tejkalohet vitin tjetër.

Kjo për arsye se Kosova dhe Kazakistani shihen si shtete pretendete të cilat mund të keni debutimin e tyre në skenën e “Eurovision”, që mbahet në maj të vitit tjetër në Lisbonë të Portugalisë.

Lexo po ashtu Këngëtarët që do të mund ta përfaqësonin më së miri Kosovën në "Eurovision" (Video)

Lajmin për këtë gjë e ka bërë të ditur faqja zyrtare e “Eurovisionit” në Gjermani, e cila shkruan se Kosova mund të fitojë biletën për në festivalin evropian, në qoftë se merr ftesë nga Portugalia, konkretisht nga Radio Televisioni i Portugalisë (RTP0, të cilët njëherësh janë edhe organizatorë të festivalit.

Fakti që Portugalia njeh pavarësinë e Kosovës, e bën edhe më të lehtë pranimin e saj në garën më të madhe të muzikës në Evropë.
Ndryshe nga Kosova, Kazakistani është pjesë e EBU (Unioni Ndërkombëtar i transmetuesve të Evropës), por që prej vitesh nuk shpreh dëshirën të jetë pjesë e festivalit. /Telegrafi/