Kositja e barit: Truku për të përgatitur lëndinën tuaj për dimër dhe ngrica

Dimri do të thotë që një pjesë e kopshtarisë ndalet, duke përfshirë prerjen e barit rregullisht.

Kjo për shkak se temperaturat më të ftohta ngadalësojnë rritjen. Megjithatë, një ekspert ka thënë se ne duhet ende të vazhdojmë me kositje.

Me uljen e temperaturës së ajrit, temperatura e tokës zvogëlohet, duke ngadalësuar rritjen e barit dhe bimëve. Bari ringjallet sërish në fillim të pranverës, kur kërkon më shumë kositje.

David Truby, shpjegoi: “Rritja e barit ngadalësohet dhe bëhet gjithnjë e më e fjetur gjatë dimrit, por rritja e tij sigurisht që nuk ndalet plotësisht, pra nuk duhet të ndalet as kositja. Hilja është të vazhdoni të kositni sipas nevojës, duke mos lejuar kurrë që të zgjatet shumë, pasi kjo mund të zvogëlojë ndjeshëm cilësinë dhe potencialisht të rrisë ashpërsinë e pushtimit të myshkut”.

“Është e rëndësishme që të siguroheni që tehet e kositëses të jenë të mprehta, në mënyrë që të mos shkaktojnë dëme në vetë lëndinë”.

Eksperti shpjegoi se kopshtarët nuk duhet të përpiqen kurrë të kositin nëse vendi është ngopur ose e mbuluar me ngrica. Kjo mund të shkaktojë dëmtim të tokës nën bar, si dhe në mjetet e përdorura. /Telegrafi/