“Koordinim për procesin e anëtarësimit të Kosovës në KiE”, Gashi jep detaje nga takimi me ambasadorët

Delegacioni i Kuvendit të Republikës së Kosovës në Asamblenë Parlamentare të Këshillit të Evropës (KiE), ka zhvilluar takim me ambasadorët e shteteve anëtare të KiE-së, të akredituar në Kosovë.

Me këtë rast, palët janë pajtuar njëzëri që këto takime të jenë të rregullta si dhe të vazhdojë puna e përbashkët me qëllim të koordinimit të procesit të anëtarësimit të Kosovës në KiE.

Kështu ka bërë të ditur shefi i Grupit Parlamentar të Lidhjes Demokratike të Kosovës (LDK), Arben Gashi, i cili ka udhëhequr këtë takim.

“Sot, me kërkesë e në mungesë të kryesueses Saranda Bogujevci, pata nderin që të udhëheq takimin e delegacionit të Kuvendit të Republikës së Kosovës në Asamblenë Parlamentare të Këshillit të Evropës, me ambasadorët e shteteve të KiE-së”.

“Me këtë rast, njëzëri u pajtuam që këto takime të jenë të rregullta, si dhe të vazhdojë puna e mirë e përbashkët e delegacionit tonë dhe vendeve mike, me qëllim të koordinimit për procesin e anëtarësimit të Kosovës në Këshillin e Evropës”, ka shkruar Gashi në Facebook.

Ndryshe, lidhur me këtë takim është deklaruar edhe ambasadori i Gjermanisë në Kosovës, Jorn Rohde.

Në një postim në Twitter, Rohde ka thënë se takimi ishte interaktiv dhe se ka nënvizuar mbështetjen e plotë të Gjermanisë për anëtarësimin e Kosovës në Këshillin e Evropës.

“Ashtu si kryeministrat e tjerë, unë nënvizova mbështetjen e plotë të Gjermanisë për anëtarësimin e Kosovës në Këshillin e Evropës”, ka shkruar ambasadori. /Telegrafi/

Very interactive meeting HoMs of @coe MS with ??MPs @ArbenGashi, @KervanEnis, @ArianaShoshi, @besnik_tahiri from the Assembly’s CoE parliamentary delegation. Like other HoMs I underlined full ?? support for ??s CoE membership bid. pic.twitter.com/U7vqsV1TgP

— Ambassador Jörn Rohde (@GermanAmbKOS) November 29, 2022