Konkurrenca “nuk fal”, shfrytëzojnë mungesën e mbushësit te iPhone 12 për të “goditur” Apple

Siç e dimë tashmë, Apple nuk do të dërgojë mbushësin dhe kufjet me iPhone 12, por vetëm telefonin dhe kabllon që mund të përdorni për ta lidhur atë me kompjuterin që do të përfshihen në paketim.

Ky vendim u ndesh me kritika negative nga përdoruesit dhe i dha konkurrentëve një shans ideal për të bërë shaka, transmeton Telegrafi.

Mungesa e mbushësit nga Apple u pritë mirë nga nga dy rivalë aziatikë – Samsung dhe Xiaomi, të cilët përdorën llogaritë zyrtare të mediave sociale për këtë rast.

Së pari, Samsung postoi një foto të mbushësit në profilin e saj në Facebook dhe shkruajti se telefonat e rinj Galaxy ofrojnë gjithçka, nga gjërat themelore deri në rifreskimin e ekranit 120Hz (gjë që gjithashtu nuk ekziston në serinë e iPhone 12).

Pas kësaj, kompania kineze Xiaomi vendosi të “luajë” pak, kështu që ata postuan një video në rrjetin social Twitter në të cilën hapnin kutinë e modelit të ri Xiaomi Mi 10T Pro, dhe përmban një mbushës.

“Mos u shqetësoni, ne nuk kemi lënë asgjë jashtë kutisë”, shkruan ata.

Siç e përmendëm, nëpër rrjetet sociale, reagimet e përgjithshme ndaj vendimit të Apple për të hequr mbushësin janë negative.

Sidoqoftë, ka nga ata që mendojnë se shumë prodhues të tjerë së shpejti do të ndjekin hapat e tyre. /Telegrafi/

https://twitter.com/Xiaomi/status/1316299756260352006?ref_src=twsrc%5Etfw%7Ctwcamp%5Etweetembed%7Ctwterm%5E1316299756260352006%7Ctwgr%5Eshare_3%2Ccontainerclick_0&ref_url=https%3A%2F%2Fwww.b92.net%2Ftehnopolis%2Fvesti.php%3Fyyyy%3D2020mm%3D10nav_id%3D1750049