Konfirmohet nga Maresca, ylli i Chelseat ka humbur sezonin

Shpresat e venitura të Chelseat për të fituar Ligën Premier mund të shuhen pas përditësimit shqetësues të lëndimeve nga Enzo Maresca.

Këtë fundjavë, Blutë do të rikthehen në aksion në ligë kur do të përballen me Crystal Palace në Selhurst Park të shtunën pasdite.

Chelsea ka shijuar një fillim të mirë nën Marescan dhe u konsiderua si kërcënimi më i madh i Liverpoolit për titullin e ligës.

Megjithatë, gabimet e fundit kundër Everton, Fulham dhe Ipswich Town i kanë lënë Blues 10 pikë prapa ekipit të Arne Slot.

Duke folur përpara ndeshjes kundër Palaces, Maresca dha një përditësim shqetësues për mbrojtësin Wesley Fofana.

Italiani tha: “Fatkeqësisht ai mund të jetë jashtë sezonit. Nuk e dimë saktësisht, por ai mund të jetë jashtë për një pjesë të sezonit. Sa herë që më pyesni për Wes, kam thënë shumë herë se jam i dashuruar me Wes”.

Lexo po ashtu Nëse jo Osimhen, Chelsea shkon për sulmuesin e rivalit të Ligës Premier

“Ishte përditësimi i parë dhe informacioni i parë që patëm, por duke pasur një provë, kuptuam se ishte më e keqja nga sa mendonim në fillim. Është rëndë dhe për fat të keq, do ta humbasim për një kohë”.

Fofana ka qenë jashtë fushës që kur u detyrua të largohej për shkak të një lëndim në kofshë kundër Aston Villa muajin e kaluar. /Telegrafi/