Vetëm për 150 euro në vit, Komuna e Prishtinës ka lejuar që të mbulohet një mural, vepër e rrallë artistike për kryeqytetin.
I ka dhënë leje një kompanie private, që nga 1 maji i këtij viti deri në ditën e parë të tetorit të po këtij viti ta shfrytëzojë atë hapësirë për marketing të çfarëdollojshëm, pos atij që lidhet me duhan e pije alkoolike. E kompania “Selmans Network” duhet të paguajë 50 euro për metër katror, ose fiks 150 euro për një vit të shfrytëzimit të hapësirës në të cilën piktorja e njohur Zake Prelvukaj kishte lënë gjurmë me muralin e saj më shumë se një dekadë më parë.
Zëdhënësi në Komunën e Prishtinës, Erzen Vraniqi, në një prononcim për Koha Ditore e ka pranuar se i është dhënë leje kompanisë kontraktuese për menaxhimin e asaj hapësire për marketing. Detaje të tjera nga përgjigja e Komunës së Prishtinës mund të lexoni në numrin e nesërm të gazetës.
Ndaj mbulimit të muralit ka reaguar edhe vetë autorja, piktorja e njohur Zake Prelvukaj. Ajo ka thënë se “tashmë, fatkeqësisht është edhe lajm publik, që muralet në Prishtine mbuluakan nga reklama komerciale!”.
“Ka rastisur që kjo vepër arti, e pakët në Prishtinë, të jetë e imja. Nuk është problem që kjo po më ndodh mua si autore. Telashja është që kjo po i ndodh kryeqytetit! Nëse reklama e mbulon artin, atëherë nuk duhet diagnozë për një qytet”, ka thënë në reagimin e saj Prelvukaj.
Lajmin për mbulimin e këtij murali fillimisht e kishte dhënë portali Koha.net. E ndaj këtij lajmi ka reaguar kompania “Meridian”, panoja e së cilës ka rastisur që të jetë e para që do të mbulonte artin.
“Ne si kompani, vazhdimisht mundohemi që të investojmë në të mirë të komunitetit, e ky akt nuk është bërë qëllimisht prej anës tonë por thjeshtë ka qenë një mundësi e lejuar nga kompania qe e ka lejen për shfrytëzimin e kësaj hapësire”, thuhet në reagimin e kompanisë. “Ne jemi të gatshëm që të tërhiqemi nga prezenca në këtë mural nëse këtë e kërkon Komuna, si institucion i cili ka lëshuar lejen për këtë hapësirë”, thuhet më tej në reagim.
Bashkë me reagimin është bashkëngjitur edhe leja të cilën Komuna e Prishtinës, ia ka lëshuar kompanisë e cila menaxhon me këtë hapësirë. Lejen e lëshuar nga Komuna e Prishtinës, mund ta shihni më poshtë.
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
28 vite burgim dhe mbi 50 mijë euro gjobë ndaj shtatë të akuzuarve për kultivimin të bimëve narkotike dhe posedim të marihuanës
Pas skandalit në TikTok, Policia kërkon ndihmë për kapjen e shtetasit të Shqipërisë, i cili ndodhet në një burg në Francë
“Paratë, ose do të vras djalin”, polici kërcënon qytetarin se nuk i dha ryshfet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe