Komuna e Ferizajt mban dëgjim publik për buxhetin e 2025-tës vetëm me gratë

Kuvendi Komunal i Ferizajt sot ka mbajtur një dëgjim publik për dëgjimin buxhetor të vitit 2025 vetëm me gratë.

Përmes një postimi në rrjetin social në Facebook bëhet e ditur se gratë e pranishme në këtë takim patën një numër të pakët të kërkesave.

Siç bëhet e ditur në postim Diellza Reka kërkoi një park dhe lodra për fëmijë në fshatin Neredime te Eperme.

“Dëgjimi buxhetor për vitin 2025, gjatë ditës së sotme është mbajtur vetëm me gra të Komunës së Ferizajt.

Hapjen e dëgjimit buxhetor e ka bërë drejtorja e financave Sebahate Ajeti-Sadiku,  e cila ka thënë se ky takim është organizuar enkas vetëm me gratë, në mënyrë që të dihen sakte prioritete e tyre.

Gratë e pranishme në këtë takim, patën një numër të pakët të kërkesave. Diellza Reka kërkoi një park dhe lodra për fëmijë në fshatin Neredime te Eperme.

Ndërsa Vlora Aliu nga fshati Greme, kërkoi që të bëhet funksionalizimin i çerdhes në këtë fshat”, thuhet në postim.

Edhe Nazmije Ademi nga fshati Dardani, kërkoi që të vendosën më shumë shporta të mbeturinave në këtë fshat, si dhe të bëhet diçka konkrete sa i përket qenve endacak në këtë fshat për shkak të rrezikut shumë të madh të tyre.

“Edhe gratë e tjera të pranishme në këtë takim kanë pasur kërkesat e tyre, disa prej tyre kërkuan koshere për blete, disa kërkuan transport, por edhe ndriçim publik nëpër lagjet e tyre.

Në sesionin e pasdites, do të mbahet takimi me kryetarët e bashkësive lokale dhe kryetarët e fshatrave të Komunës së Ferizajt”, thuhet ndër të tjera në postim të Komunës së Ferizajt. /Telegrafi/