Pyetësori i kryetares së sapozgjedhur të Këshillit Gjyqësor, Pavlina Cërvenkovska do të jetë lëndë e shqyrtimit nga Komisioni Antikorrupsion. Këtë për TV21 e deklaroi kryetarja e Komisionit Biljana Ivanovska, e cila thotë se lënda është hapur pas një informacioni të marrë nga mediat.
“Në funksion të përcaktimit të gjendjes faktike, Komisioni Shtetëror për Parandalimin e Korrupsionit pas informacionit të marrë nga mediat, hapi lëndë për përcaktim, respektivisht kontroll të gjendjes pronësore të kryetares së Këshillit Gjyqësor dhe njerëzve të saj të afërt, në pajtueshmëri me Ligjin për Parandalim të Korrupsionit dhe konflikt interesash. Kjo do të thotë se në periudhën që vijon ne do t’i kërkojmë të gjitha dokumentet me të cilat do të zbulojmë nëse me të vërtetë në Pyetësor e ka paraqitur të gjithë pronën që e posedon ajo dhe familja e saj”, deklaroi Ivanovska.
Në Pyetësorin e saj, Cërvenkovska ka paraqitur se posedon sipërfaqe banimi prej 20 metrave katrorë, respektivisht një pjesë të banesës që e ka trashëguar në vlerë prej 20 mijë eurove. Si pronë e përbashkët me bashkëshortin, ka paraqitur se posedon stoli në vlerë prej 6 mijë eurove dhe gjësende artistike që vlejnë 10 mijë euro. Është cekur se bashkëshorti posedon një motoskaf në vlerë prej rreth 16 mijë eurove, një kamp-rimorkio -12 mijë euro dhe një makinë të tipit “Matiz” në vlerë prej rreth 1.100 eurove. Por, në Pyetësorin nuk figuron as kompania, as kredia.
“Përpunimi i lëndës nënkupton kontrollim i të gjitha llojeve të pronës – të tundshme dhe të patundshme, si dhe gjendjes financiare, domethënë kontrollohet e gjithë prona që është paraqitur, që të shihet nëse është paraqitur në mënyrë të saktë dhe të vërtetë. Kemi bërë shënim zyrtar me të cilin nis procesi i kontrollit të gjendjes pronësore, e pastaj do të kërkohen dokumente përkatëse etj”, shtoi më tej Ivanovska.
Menjëherë pas zgjedhjes së saj, nga Shoqata e depozituesve të dëmtuar njoftuan se bashkëshorti i Crvenkovskës në emrin e kompanisë së tij “Ekoplast Risajkling” ka marrë kredi nga Eurostandard Bankë në vlerë prej 1.6 milionë eurove, por se për më shumë për dy vjet nuk i ka paguar këstet.
Ajo menjëherë doli me reagim duke pyetur – përse kjo kredi bëhet publike tani, kur, siç shton, rasti me bankën ishte para një viti?
Antikorrupsioni hapi lëndën për Crvenkovskën, vetëm dy ditë pas zgjedhjes së saj për kryetare të Këshillit Gjyqësor./TV21/
Promo
Reklamo këtuLufta Prigozhin - Putin
Më shumëArratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare
Kupchan: Përgatitja për themelimin e Asociacionit, vendim i rëndë për Kosovën
Analistët: Zhvillimet rreth Këshillit të Evropës rrezikojnë të ulin ritmin e integrimit evropian të Kosovës
Serwer ngre pikëpyetje: Çfarë duhet bërë me Asociacionin?
Kryeprokurori special flet për rastin e Enver Sekiraqes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Meç i madh i boksit mes Tyson Fury dhe Oleksandr Usyk - detajet minutë pas minute
Demografia evropiane - cili shtet ka natalitetin më të lartë dhe ku qëndron Kosova?
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Projekti më i mirë, Piramida e Tiranës fiton çmimin e madh për Evropën Juglindore