Tyson Fury kthehet në ring për të vazhduar rrugëtimin e tij dhe qëndrimin në formë drejt meçit të radhës për titullin e botës në WBC, kundër Deontay Wilder.
Ish-kampioni i peshave të rënda në kategoritë WBA, IBF dhe WBO në fundjavë do të ndeshet me suedezin e pamposhtur Otto Wallin.
Të dhëna për dy boksierët
(Foto: The Sun)
Vendi i duelit
Përballja zhvillohet në T-Mobile Arena në Las Vegas të Shteteve të Bashkuara të Amerikës.
Data e meçit
'Gipsy King' rikthehet në ring të shtunën, më 14 shtator 2019 (me kohë të atjeshme).
Koha e përballjes
Pritet që Fury të hyjë në ring rreth orës 5:00 të mëngjesit të të dielës (15 shtator) me kohën tonë.
Parashikimi
Tyson Fury konsiderohet favorit për të fituar me nokaut teknik.
Tyson Fury dhe Otto Wallin (Foto: Ethan Miller/Getty Images/Guliver)
Deklaratat
Tyson Fury: Otto Wallin është një boksier i nivelit të lartë botëror dhe është i gjatë, gjë që e duam kur e kemi parasysh se dueli me Deontay Wilder është shumë pranë... Do të jem i fokusuar që ta kryej punën, sepse rimeçi duhet të ndodhë".
Otto Wallin: "Kam bërë shumë sakrifica që të arrij në këtë pikë dhe jam shumë i gëzuar që po ia vlen. E di se nuk jam favorit në këtë meç, por jam i gatshëm për mundësinë dhe do ta rrëmbej me të dy duart. Kushdo mund të mposhtet, sidomos në kategorinë e peshave të rënda".
Duelet tjera të asaj mbrëmjeje
Emanuel Navarrete vs Juan Miguel Elorde - titulli WBO, pesha super shumë të lehta
Jose Pedraza vs Jose Zepeda - kategoria e peshave të lehta
Isaac Lowe vs Ruben Garcia Hernandez - kategoria e peshave shumë të lehta
Felix Valera vs Vyascheslav Shabranskyy - kategoria e peshave të lehta
Carlos Cuadras vs Jose Maria Cardenas - kategoria e peshave super të lehta
Gabriel Flores Jr vs Miguel Angel Perez Aispuro - kategoria e peshave të lehta
Isidro Ochoa vs Iskander Kharsan - kategoria e peshave super shumë të lehta
Guido Vianello vs Cassius Anderson - kategoria e peshave të rënda
Abram Martinez vs Kevin Johnson - kategoria e peshave të rënda
/Telegrafi/
