Kluivert alarmon Barçën: Edhe City po interesohet për De Ligt dhe De Jongun

Patrick Kluivert thotë se ish-klubi i tij, Barcelona duhet të veprojë më shpejt për të nënshkruar me Matthijs de Ligt dhe Frenkie de Jongun.

Holandezi paralajmëron se Manchester City gjithashtu është i interesuar për të dy lojtarët.

“Ata janë dy lojtarë të mëdhenj që do të përshtaten mirë me Barçën”, tha Kluivert për Mundo Deportivo.

“Ata të dy janë reprezentues dhe vlera e tyre po rritet. Ka shumë klube që duan t’i transferojnë ata, por stili i Barcelonës është i rëndësishëm për ta “.

“Unë e di që Manchester City është pas tyre, që është ekonomikisht është një klub i fortë dhe kjo mund të jetë një problem për Barçën”.

Lexo po ashtu De Jong pritet të bëhet transferimi më i shtrenjtë në histori të Manchester Cityt

Ai më tutje ka vlerësuar lartë dyshen e skuadrës së famshme të Holandës, Ajax.

“De Jong është një lojtar i mrekullueshëm. Ai duket sikur (Sergio) Busquets dhe gjithmonë shikon përpara në jetë “.

“De Ligt është një mbrojtës i madh, ai është shumë i fortë, di të manovrojë mirë me topin. Ka të gjitha cilësitë që mund të luajë për çdo ekip, edhe për Barçën”, tha Kluivert. /Telegrafi/

Lexo po ashtu Barcelona aranzhon takim me përfaqësuesit e De Ligt