Komuna e Klinës me rrethinë ka mbetur pa furnizim me energji elektrike.

Kështu ka bërë të ditur Kompania për Distribuim me Energji Elektrike, KEDS.

Përmes një njoftimi, KEDS sqaron se ndërprerja e energjisë ka ndodhur për shkak të një prishjeje në nënstacionin 110/10kV.

“Aktualisht po punohet në identifikimin dhe sanimin e shkakut të prishjes, gjë që mund të marrë kohë”.

“Kërkojmë mirëkuptimin e konsumatorëve tanë atje dhe i sigurojmë se po punohet intensivisht në këtë Nënstacion në mënyrë që t’u kthehet furnizimi i rregullt me energji elektrike sa më parë”, thuhet në njoftim./Telegrafi/

EnergjetikaEkonomi