Klea Huta tregon për problemet që kishte me nuhatje edhe pas shërimit nga coronavirusi

Këngëtarja dhe njëherësh prezantuesja shqiptare, Klea Huta, është mjaft aktive dhe e ndjekur në rrjetet sociale.

Si shumë nga të prekurit me COVID-19, ajo së fundmi po ashtu ka treguar përvojën e saj pas dy muajsh shërimi nga virusi.

Zeshkania tregon se pavarësisht që ka kaluar një kohë, akoma ka probleme me nuhatjen dhe shijen.

Ky është shkrimi i plotë i Klea Hutës në një postim të ndarë në InstaStory:

“Para disa muajsh unë dhe familja ime kaluam COVID-19. Fatmirësisht e kaluam paq. Prej dy muajsh pata as 0% nuhatje sa mendova se nuk do të nuhasja kurrë më. Ishte e tmerrshme që nuk nuhasja dot as erën e tim biri dhe po çmendesha por kjo ishte e keqja më e vogël që po më ndodhte në krahasim me fatkeqësitë që kemi dëgjuar nga kjo sëmundje e tmerrshme.

Kur mendova që gjithçka po i rikthehej normalitetit dhe nuhatja mu rikthye diçka tjetër ndodhi.

Disa ushqime mua më duken sikur kanë të njëjtën aromë, konkretisht: Qepa, veza, pula, vera disa nga parfumet dhe nuk më kujtohet se çfarë tjetër. Më tjetërsohen aromat dhe kanë një aromë si benzinë ose fekale. Është e shpifur dhe realisht më ka kapur paniku nëse do mund t’i nuhas edhe njëherë ushqimet me aromën e tyre apo jo!.

Dua të ndaj dhe me ju këtë gjë për të kuptuar se çfarë po na ndodh”.

/Telegrafi/