Kjo Toyota është më e shtrenjtë se Porsche 911, por a është më e mirë?

GR SUPRA A90 Final Edition sjell kulmin e performancës, por edhe çmimin e duhur.

Toyota GAZOO Racing vendosi t’i japë fund epokës së gjeneratës aktuale GR Supra në një mënyrë spektakolare – duke prezantuar një seri speciale GR Supra A90 Final Edition, transmeton Telegrafi.

I kufizuar në vetëm 300 njësi të rezervuar për Evropën dhe Japoninë, ky version jo vetëm që sjell performancë ekstra të rafinuar, por edhe nderon trashëgiminë e pasur të garave të modelit.

I ndikuar nga modelet GR Supra që konkurrojnë në drifting, gara qëndrueshmërie dhe NASCAR, si dhe versioni i suksesshëm GT4 që fitoi tituj të shumtë në duar private, A90 Final Edition është thelbi i ADN-së së garave të përkthyer në një makinë rrugore.

Nën kapakun e motorit është një motor 3-litërsh, ndërruesi manual. Rezultati? Motori tani jep 435 kuaj-fuqi, duke ofruar një shpejtësi maksimale prej 270 km/h. Përshpejtimi më i shpejtë u arrit duke modifikuar dhe optimizuar ECU.

Për përdorim më të mprehtë dhe më të qëndrueshëm, vetura përdor pezullimin e rregullueshëm KW, i njëjti nga versioni GT4.

Për të përmirësuar më tej stabilitetin, gomat janë më të gjera për 10 mm dhe janë montuar në fellne ultra të lehta, 19 inç përpara dhe një numër më i madh në pjesën e pasme. Kombinimi përfshin gomat Michelin Pilot Sport Cup 2.

Pamja e jashtme përmirësohet nga ngjyra e zezë mat dhe elementët garues të karbonit – spoileri i përparmë. Të gjitha pjesët janë testuar në tunelin e erës TGR Europe.

Një vështrim brenda zbulon idenë e vërtetë të makinës – kënaqësinë e ngasjes sportive. Ulëset sportive Recaro Podium CF të kuqe Alcantara ofrojnë mbështetje të përsosur gjatë kthesave të shpejta. Rripat e kuq të sigurimit, detajet e karbonit dhe Alcantara bëjnë të qartë se ky është një model i veçantë, i kufizuar.

Saktësisht 150 njësish po vijnë në Evropë. Çmimi në Japoni është rreth 92.500 euro, ndërsa çmimi në tregun gjerman është 142.800 euro, që është më shumë se BMW M4 Competition xDrive e pajisur plotësisht, madje edhe Porsche 911 Carrera T.

Ndryshe versioni fillestar i Supras me motor 2-litra, kushton 63.250 euro. /Telegrafi/