“Kjo skuadër e Chelseat është më e mirë se Real Madridi dhe Barcelona”, ish-trajneri i Bluve befason të gjithë

Ish-trajneri i Chelseat, Glenn Hoddle vlerëson ekipin e Frank Lampard dhe shton se ata janë momentalisht më të mirë se Barcelona dhe Real Madridi.

Hoddle ishte ‘shfrenuar’ në lavdërimin e tij për Chelsean e Lampardit, pasi ata mposhten pa mëshirë 0-4 Sevillan për të vulosur vendin e tyre si fitues të Grupit E.

“Duke parë ekipet që janë atje, padyshim Liverpooli dhe Manchester City, ata do të jenë në krye ose aty diku”, ka thënë fillimisht Hoddle për BT Sport.

Lexo po ashtu Olivier Giroud shënon katër gola, Chelsea ‘shkatërron’ Sevillan në “Sanchez Pizjuan”

“City është favoriti numër 1 pavarësisht nëse ata ju tregojnë se duan apo nuk duan të fitojnë Ligën e Kampionëve”.

“Ju nuk mund të shikoni Bayern Munichun sepse ata janë kaq të fuqishëm, por ju duhet ta vendosni Chelsea aty. Për mua në këtë moment, ata janë mbi Barcelonën dhe mbi Real Madridin”.

“Ato janë dy klube të mëdha, por ekipi i Chelseat është më i mirë se i tyre”.

“Në këtë moment në kohë mendoj se ata duhet të shikojnë të paktën gjysmëfinalen dhe kur arrini në gjysmëfinale, gjithçka mund të ndodhë”.

“Ata kanë lojtarë ndërkombëtarë që do të bëhen më të mirë me kalimin e sezonit dhe nëse stadiumet mbushen me tifozë do të shihni një skuadër të Chelseat më të frymëzuar dhe lojtarët do të bëhen edhe më të mirë”

“Ka shumë për të ardhur nga ekipi i Chelseat”, përfundoi ish-trajneri i Bluve. /Telegrafi/