Kjo Barcelonë nuk është si ajo e disa viteve të kaluara – statistikat tregojnë se ata janë një skuadër mesatare

Edhe pse ishin në epërsi në Superkupën e Spanjës, Barcelona nuk arriti që t’i bënte ballë Athletic Bilbaot që në fund mori trofeun në duar.

Antoine Griezmann spikati duke shënuar dy gola, megjithatë Blaugranasit u përballën me disa çështje fizike, si dhe mendore, si në mbrojtje ashtu edhe në sulm gjatë gjithë finales.

Le të shohim nga afër problemet kryesore të Barcelonës , të cilat Athletic i shfrytëzoi për të kapur një fitore historike 3-2.

Lexo po ashtu Pamje nga të gjitha këndet: A ishte vendimi i duhur që Messi të ndëshkohej me karton të kuq?

Intensiteti

Athletic bëri 24 gabime në krahasim me 15 të pranuara nga lojtarët e Barcelonës të cilët rikuperuan vetëm 62 nga 140 topa të humbur, ndërsa njerëzit e Marcelino arritën të rikuperonin 73 nga 131.

Blaugranasit regjistruan 68 për qind të zotërimit të topit, duke kaluar topin 840 herë në krahasim me 338 të Athletic, por nuk kishte kreativitet në sulm.

Mbrojtja e varfër

Dy nga tre golat e Bilbaos erdhën nga gabimet individuale në mbrojtje pasi Jordi Alba lëshoi Oscar de Marcos në depërtimin e tij deri te goli i parë i Baskëve, ndërsa as Clement Lenglet dhe as Antoine Griezmann nuk arritën të parandalonin Asier Villalibre të shënonte të dytin për ekipin e tij.

“Ne nuk flasim [me njëri-tjetrin]”, ka thënë Griezmann pas ndeshjes. “Ka detaje shumë të rëndësishme të cilat përcaktojnë një lojën”.

“Kur topi shkon jashtë ose kur ju duhet të filloni të vraponi, dikush duhet të bërtasë. Ndonjëherë ata bërtasin dhe ndonjëherë nuk ndodh”.

Përpjekja në sulm

Pavarësisht kthimit të Lionel Messit në aksion, Barcelona prodhoi më pak goditje (10) sesa Bilbao (12), ndërsa të dy ekipet regjistruan nga katër goditje në portë.

Distanca midis vijave dhe mungesa e komunikimit paraprak ishin disa nga çështjet më tërheqëse në finale.

Problemet e qarkullimit të topit

Përpjekjet mbresëlënëse të Frenkie de Jong nuk ishin të mjaftueshme, pasi Barcelona nuk mund të gjente mënyra për të liruar hapësirë ​​për Pedrin për të marrë topin midis vijave.

Ndërkohë, ata nuk arritën të thyejnë bllokimet e ulëta të Bilbaos me lojën e tyre që duket shumë statike në sulm, pavarësisht se dominonin topin.

Konkurrenca

Një grup lojtarësh me përvojë që janë afër fitimit të një trofeu nuk duhet të humbasin përqendrimin në dy minuta kohë.

Ishte e qartë se Bilbao ishte ekipi që e dëshironte më shumë, me lojtarët e Barcelonës që nuk kishin një qëndrim konkurrues dhe mentalitet sakrifikues pasi shënuan të dytin.

Superioriteti

Barcelona kishte mungesë të një lideri shpirtëror për të rritur moralin e tyre pasi Athletic shënoi golin e barazimit në minutat e fundit të finales.

Kur Inaki Williams vuri baskët përpara në kohën shtesë, katalunasit dukej se nuk ishin në gjendje të reagonin mendërisht. /Telegrafi/