Kishte paralajmëruar sulmin, por edhe datën – ky është sulmuesi që la të paktën tetë të vdekur në një sulm me armë në një kamp universitar në Rusi

Të paktën tetë persona u vranë, ndërsa 19 u plagosën nga të shtënat në një kamp universitar në qytetin rus të Perm.

Ministria e Punëve të Brendshme, ndërkohë, konfirmoi se sulmuesi ishte identifikuar, si dhe se ishte një student i atij Universiteti, shkruajnë mediat e huaja, përcjell Telegrafi.

Policia, ndërkohë, tha se sulmuesi kishte licencë për armë, dhe se ai bleu pushkën me të cilën plagosi dhe vrau studentët.

Policia konfirmoi se ishte 18-vjeçari Timur Bekmansurov, i cili dyshohet se postoi motivet e sulmit në mediat sociale para sulmit.

?? #Russia

? Rusya’nın Perm şehrindeki üniversiteye bir kişi tarafından silahlı saldırı düzenlendi. Ölü ve yaralılar var. pic.twitter.com/CNnvfNitl5

— Frank William (@frankwilliamm1) September 20, 2021

“Unë kam zgjedhur një datë, do të jetë 20 shtatori. Unë po përpiqem të studioj pasazhet midis ndërtesave, në mënyrë që t’i zbatoj ato në planin tim në oborrin e universitetit – shkruan autori i dyshuar në rrjetin social”.

Gunman neutralized #Perm #Shooting pic.twitter.com/Z7jZZilKUG

— विकास त्रिपाठी (@vikasjournolko) September 20, 2021

Timur atëherë shkroi se e urrente veten dhe donte të lëndonte këdo që i dilte përpara.

Lexo po ashtu Dramë në Rusi: Sulmuesi qëllon me armë në kampusin e universitetit, njerëzit ikin nga dritaret – raportohet për të vdekur dhe të plagosur

“Thirrja u bë edhe më e fortë, sikur vesi të më shtrëngonte kokën. Ndjenja se gjithçka përreth është vetëm një ëndërr nuk më lë. Unë nuk shoh asnjë arsye për të shkruar diçka tjetër. Në fund, mund të them se nuk jam i pari, as i fundit. Ndalimi i armëve nuk do t’ju shpëtojë, makina, bomba, thika, gjithçka që mund të merrni në dorë do t’ju vrasin. Njerëzit si unë do të shkatërrojnë gjithçka përreth jush”, shkroi ai.

?? According to preliminary data, the shooting was opened by 18-year-old Timur Bekmansurov, now he has barricaded himself in one of the university classrooms.

#Russia pic.twitter.com/1THTXnwolF

— The RAGEX – News (@theragex) September 20, 2021

Një fotografi e sulmuesit të dyshuar shpejt filloi të qarkullojë në Twitter.

Ai u fotografua i maskuar, me një përkrenare në kokë, dhe kishte veshur një jelek me municion dhe një gisht të mesëm të ngritur.

Ju kujtojmë, këtë mëngjes, sulmuesi, i armatosur me pushkë, i maskuar dhe i veshur me një kostum të zi, hyri në oborrin e Universitetit dhe filloi të qëllojë mbi njerëzit.

Silahlı hücumu təşkil edən Timur Bekmansurov hadisəni törətməmişdən öncə onu necə həyata keçirəcəyini sosial hesabında paylaşıb. pic.twitter.com/BDPGSojTQu

— Abzas Media (@AbzasMedia) September 20, 2021

Ndërkohë disa pamje që u shfaqën në rrjetet sociale tregojnë studentë të frikësuar që hidhen nga dritaret.

Një burim konfirmoi për Interfax se sulmuesi u vra në një shkëmbim zjarri me policinë, por ende nuk ka konfirmime zyrtare.

Një hetim policor është duke u zhvilluar, i cili duhet të përcaktojë motivin e saktë të sulmit. /Telegrafi/