LAJMI I FUNDIT:

Kini kujdes se çfarë instaloni: Virusi i ri Android pretendon të jetë një azhurnim i sistemit

Kini kujdes se çfarë instaloni: Virusi i ri Android pretendon të jetë një azhurnim i sistemit

Studiuesit që merren me sigurinë në telefon kanë njoftuar se ekziston një virus i ri në Android, i cili maskohet si një “azhurnim kritik i sistemit” dhe mund të marrë kontrollin e plotë mbi pajisjen e përdoruesit dhe të vjedhë të dhënat e tij.

Softueri me qëllim të keq u gjet në aplikacionin e quajtur “System Update”, i cili duhet të instalohet jashtë Google Play, dyqani i aplikacioneve Android.

Sapo përdoruesi ta instalojë, aplikacioni fshihet dhe u dërgon fshehurazi të dhënave nga pajisja e viktimës hakerave.


Kompania e cila zbuloi aplikacionin me qëllim të keq, tha se pasi viktima instalon aplikacionin me qëllim të keq, telefoni mund të kontrollohet nga distanca, transmeton Telegrafi.

Ky virus mund të vjedhë mesazhe, kontakte, të regjistrojë thirrje mikrofoni dhe tingull ambienti dhe të marrë fotografi me kamerat e telefonit.

Softueri me qëllim të keq gjithashtu gjurmon vendndodhjen e viktimës, kërkon skedarë dokumentesh dhe merr të dhënat e kopjuara nga memorja e fshehtë e pajisjes.

Drejtori i Përgjithshëm i Zimperium, kompanisë që e zbuloi këtë virus, Shridhar Mittal tha se ishte ndoshta pjesë e një sulmi të shënjestruar.

“Është gjëja më e sofistikuar që kemi parë”, tha Mittal, duke shtuar se ai mendon se është harxhuar shumë kohë dhe përpjekje për krijimin e këtij aplikacioni. “Ne besojmë se ka aplikacione të tjera si kjo dhe po përpiqemi t’i gjejmë ato sa më shpejt të jetë e mundur”, thotë ai.

Meqenëse studiuesit konfirmuan që virusi ishte instaluar jashtë dyqanit Google Play, sugjerohet që përdoruesit të kontrollojnë mirë para se të instalojnë ndonjë gjë që nuk është në vende të verifikuara si dyqanet zyrtare të aplikacioneve. /Telegrafi/

Në trend Teknologji

Më shumë
Musk do të tërheqë ofertën prej gati 100 miliardë dollarësh për OpenAI - vetëm nëse nuk i plotësohet një kusht

Musk do të tërheqë ofertën prej gati 100 miliardë dollarësh për OpenAI - vetëm nëse nuk i plotësohet një kusht

Teknologji
Pse Elon Musk dëshiron që ju të përdorni Signal dhe jo Facebook - dhe si funksionon ai?

Pse Elon Musk dëshiron që ju të përdorni Signal dhe jo Facebook - dhe si funksionon ai?

Nëse keni një iPhone, duhet ta çaktivizoni këtë menjëherë!

Nëse keni një iPhone, duhet ta çaktivizoni këtë menjëherë!

Teknologji
Instagram po teston një ndryshim të vogël që mund të ketë ndikim të madh

Instagram po teston një ndryshim të vogël që mund të ketë ndikim të madh

Teknologji
Zhvillimi i robotëve humanoidë, nga Meta thonë se kanë një qëllim të ri

Zhvillimi i robotëve humanoidë, nga Meta thonë se kanë një qëllim të ri

Teknologji
OpenAI refuzon ofertën miliarda dollarëshe të Musk: Nuk jemi në shitje

OpenAI refuzon ofertën miliarda dollarëshe të Musk: Nuk jemi në shitje

Teknologji
Kalo në kategori