Kinezja po e testonte BMW X1 të ri që kushton 45 mijë funte para auto-sallonit, në vend të pedalit të frenit shtypi atë të gazit – përplaset në murë (Video)

Një grua në pjesën jugore të Kinës, derisa po testonte një veturë të re të markës BMW para autosallonit, në vend se të shtyp pedalin e frenit e prekë atë të gazit duke u përplasur me dyert e lokalit për të përfunduar brenda në mur.

Shoferja në të ’30-at po e shijonte vozitjen në veturën BMW X1 që kushton hiq më pak se 45 mijë funte, kur aksidentalisht shtypi pedalin e gazit në vend të frenit, duke krijuar tollovi dhe panik në një auto-sallon në qytetin Guangzhou, transmeton Telegrafi.

Si pasojë e moskujdesit, dy punonjës të auto-sallonit kanë pësuar lëndime të lehta trupore, kurse shoferja dhe shitësi që ishin brenda veturës kanë shpëtuar pa as një gërvishtje.

Videoja e këtij incidenti të pazakontë e filmuar nga kamerat e sigurisë, shfaq momentin kur vetura përplaset me dyert e xhamit dhe më pas vazhdon duke lëvizur derisa përplaset në mur.

Kompania e sigurimeve të auto-sallonit është duke vlerësuar vlerën e dëmit, kurse gruaja e pafat është pajtuar të paguaj dëmin. Versioni hibrit që ajo e kishte vozitur të BMW X1 kushton hiq më pak se 45 mijë funte. /Telegrafi/