Kim Kardashian flet për mëmësinë, ndërkohë që zbulon se Kanye West nuk është afër fëmijëve

Kim Kardashian ka ndarë një postim emocional në Instagram, duke reflektuar mbi aspektet e gëzimit dhe dhimbjes që vijnë me mëmësinë.

Në një moment melankolik, influencuesja dhe biznesmenia 44-vjeçare shpërndau një citat që e preku shumë ndjekësit e saj.

Nëna e katër fëmijëve – North, 11 vjeçe, Saint, 8 vjeç, Chicago, 7 vjeçe dhe Psalm, 5 vjeç – ndau një mesazh të thellë, duke shkruar: “Pjesa e trishtuar e mëmësisë është se po rrit një person që, një ditë, do të jetë në gjendje të jetojë pa ty”, shkruan DailyMail.

Ajo nuk e atribuoi citatin te ndonjë autor të caktuar, por fjalët reflektuan mbi vështirësitë dhe sfidat e rritjes së fëmijëve, si dhe lidhjen e fortë mes nënës dhe fëmijëve.

Postimi erdhi në një moment kur një burim i afërt me familjen Kardashian zbuloi se Kanye West, ish-bashkëshorti i Kim, fatkeqësisht nuk është shumë pranë fëmijëve të tij.

Sipas këtij burimi, Kim ka mbetur e përkushtuar në ruajtjen e një rutine të fortë për fëmijët dhe menaxhimin e jetës së përditshme, duke u përballur me shumë përgjegjësi si nënë beqare.

“Edhe pse Kim ka ndihmë, ajo është shumë e angazhuar dhe duhet të balancojë oraret e fëmijëve me punën dhe jetën e saj personale” tha burimi. “Jeta e saj është e ndërtuar rreth fëmijëve. Kur ata janë në shkollë, ajo punon, dhe kur ata janë jashtë, fokusohet plotësisht tek ata”.

Pavarësisht vështirësive, Kim ka bërë të ditur se aktualisht nuk është duke u lidhur me askënd tjetër dhe po përkushtohet vetëm tek puna dhe fëmijët e saj, duke e mbajtur jetën personale të fokusuar në ruajtjen e stabilitetit për ta.

Ky postim dhe informacionet e fundit vijnë në një kohë kur Kardashian vazhdon të balancojë suksesin profesional dhe sfidat e jetës familjare, duke qëndruar një nënë e përkushtuar për katër fëmijët e saj. /Telegrafi/