Khabib flet për rikthimin e mundshëm dhe meçin ndaj McGregor: Nëse më ofrojnë 100 milionë, do ta mendoj

Khabib Nurmagomedov kishte njoftuar largimin nga MMA pas fitores muaj më parë ndaj Justin Gaethje.

Por Dana White, president i UFC-së, po tenton ta bindë djaloshin nga Dagestani që të luftojë sërish në ring.

Conor McGregor dhe Dustin Poirier duan të ndeshen me të, por Khabib thekson se nuk e tërheq një duel me emrat e mësipërm, pasi i ka mposhtur të dy.

“Së pari Dana White do të ofrojë para, mendoj. Unë i kam munduar ata, të dy. Nuk ka asnjë interes në aspektin sportiv”.

“Të dy u dorëzuan në tapet. Nëse ka para… Imagjinoni që dikush të ofrojë 100 milionë dollarë, atëherë do të jetë problem. Në aspektin sportiv nuk shoh asnjë interes të ndeshem me ta”, ka thënë Khabib.

Nurmagomedov është kampion bote dhe ende nuk e ka dorëzuar rripin, duke thënë se duhet ta lënë ta shijoj këtë moment.

“Më lini ta shijoj momentin, është mirë të jesh kampioni aktual. Doni të ma hiqni rripin menjëherë (qesh). Nuk e kam menduar ende. Do të mbetet kështu deri sa ta shoh Dana White”, nënvizoi ai. /Telegrafi/