Khabib dëshiron të ndeshet me Tony Ferguson në prill ose në maj dhe pastaj të pensionohet nga UFC

Kampioni në kategorinë e peshave të lehta në UFC, Khabib Nurmagomedov, beson se ka vetëm edhe një betejë për ta shkruar emrin si ylli më i madh në histori të MMA në kategorinë e peshave të lehta.

Kështu ka thënë xhaxhai i tij, Alex Nurmagomedov, i cili në një prononcim për portalin rus, Sport Express, ka thënë se gjithçka do të varet nga vendimet e UFC-së për dënimet e protagonistëve në përleshjet në Las Vegas, pas duelit ndërmjet Khabib dhe Conor McGregor.

“E kemi planifikuar (meçin ndaj Fergusonit), por mund të ndodhë vetëm nëse Khabib mbetet në UFC. Shumë organizata me fonde të mëdha i kanë ofruar atij të nënshkruajë kontratë: Bellator, Akhmat, Fight Night. Nëse Khabib mbetet në UFC, atëherë në prill ose në maj do të jetë dueli ndaj Ferguson”, ka thënë xhaxhai i tij.

Lexo po ashtu Lajmet për KHABIB

Kujtojmë që Nurmagomedov ka kërcënuar se do të tërhiqet nga UFC, në rast se përjashtohet miku i tij, Zubaira Tukhugov, për përfshirjen në incidentet në UFC 229.

Pas këtyre deklaratave, Khabib ka marrë menjëherë oferta nga organizata të tjera të arteve të përziera marciale, mirëpo ai dëshiron të mbetet në UFC.

Nga ana tjetër, vazhdon të flitet se Khabib dhe Conor McGregor mund të organizojnë një rimeç shumë milionësh në të ardhmen.

Sa i përket Ferguson, ai e regjistroi fitoren e 11-të radhazi në UFC 229 duke fituar ndaj Anthony Pettis. /Telegrafi/