KF Llapi dhe distributori i brendeve më të njohura të pjesëve për vetura, AUTO LLAPI SH.P.K nënshkruajnë marrëveshje sponsorizimi

KF Llapi dhe  AUTO LLAPI  SH.P.K kanë nënshkruar marrëveshje sponsorizuese.

Bazuar në Ligjin Nr. 05/L -090 për sponsorizimin në fushën e sportit, që për qëllim të sponsorizimit është realizimi, përkrahja, promovimi dhe mbështetja e veprimtarive dhe aktiviteteve në fushën e sportit, kompania lidere si distributor i brendeve më të njohura të pjesëve për vetura, AUTO LLAPI SH.P.K ka shprehur gatishmërinë të ofrojë mbështetje për KF Llapi në rrugën drejt sukseseve.

AUTO LLAPI SH.P.K është një emër i njohur që prej 20 vitesh dominon tregun e importit dhe shpërndarjes së pjesëve të veturave. Kjo kompani është themeluar në vitin 2000 dhe është distributori më i madh i pjesëve të automjeteve në Kosovë. Aktiviteti kryesor i AUTO LLAPI SH.P.K është importi, tregtimi me shumicë dhe pakicë i pjesëve për të gjitha makinat evropiane. Po ashtu, AUTO LLAPI SH.P.K ofron edhe pjesë për makina aziatike dhe koreane.

AUTO LLAPI SH.P.K operon me 9 dyqane me hapësirë prej 10,000 m2 dhe me mbi 35,000 produkte.

Marrëveshja e sponsorizimit mes KF Llapi dhe AUTO LLAPI SH.P.K është nënshkruar në prani të Pronarit të klubit, Tahir Batatina dhe Pronarit të AUTO LLAPI SH.P.K, Selatin Potera.

Kontributi i AUTO LLAPI SH.P.K për klubin KF Llapi është tejet i madh, teksa KF Llapi është falenderues për mbështetjen e tyre që ofrojnë për ngritjen dhe avancimin e mëtutjeshëm të organizimit dhe kushteve për futbollistët seniorë dhe të gjitha kategorive të reja të Akademisë së tyre.