Aktori 58-vjeçar është duke u hetuar nga policia e Londrës mbi një pretendim të dytë për sulm seksual, e cila thuhet se ka ndodhur në kryeqytetin britanik në vitin 2005.
Ky lajm i fundit për Kevin Spaceyn vjen pak pasi që “The Old Vic Theater” kishte marrë 20 ankesa për "sjellje të papërshtatshme" kundër ish-drejtorit artistik.
Teatri ka inkurajuar akuzuesit të raportojnë incidentet e supozuara në polici, ndërsa është e paqartë nëse Scotland Yard do të merr parasysh edhe këto pretendime.
Në një deklaratë të lëshuar për publikun, policia zbuloi se sulmi seksual ka ndodhur në Lambeth të Londrës.
"Të premten, më 17 nëntor, u bë një pretendim tjetër për të njëjtin njeri. Akuzat janë për sulme seksuale ndaj një njeriu në vitin 2005 në Lambeth. Zyrtarët e Komandës së Abuzimit të Fëmijëve dhe Ngacmimeve Seksuale po e hetojnë", shkruan në deklaratën zyrtare të policisë.
Scotland Yard po heton gjithashtu një sulm të dyshuar ndaj aktorit, i cili thuhet se ka ndodhur në Lambeth në vitin 2008.
Kujtojmë se personi i parë që e akuzoi për ngacmime seksuale aktorin ishte , i cili pohoi se ngjarja kishte ndodhur kur ai i kishte vetëm 14 vjet. /Telegrafi/
