Këtë të premte në HaPiTe – Marketingu digjital dhe inteligjenca artificiale

A është inteligjenca artificiale pjesë e strategjisë tuaj të marketingut digjital apo ende ndiheni të pasigurt në përdorimin e saj? A dëshironi të zgjeroni njohuritë tuaja në lidhje me mundësitë e inteligjencës artificiale në marketing, si dhe të shihni avantazhet dhe sfidat që ajo sjell?

Ju ftojmë të merrni pjesë në eventin e HaPiTe, ku do të diskutohet rreth ndikimit të inteligjencës artificiale në fushën e marketingut digjital. Kjo ngjarje do të jetë një mundësi e shkëlqyeshme për t’i dëgjuar njohësit e fushës së teknologjisë dhe marketingut, të cilët do të ndajnë njohuritë dhe përvojën e tyre në industri.

Folësit në këtë event janë:

Diora Binxhiu: Udhëheqëse e Departamentit të Marketingut digjital në Polar Bear Agency, me një përvojë të pasur në hartimin e strategjive të marketingut.

Arbian Shkodra: Shef i Departamentit të Teknologjisë në Quantix LLC, një kompani e specializuar në zhvillimin e zgjidhjeve teknologjike të avancuara.

Kujtojmë që kjo kompani zhvilloi “Shqip. Ai”, platformën e parë për transkriptim në gjuhën shqipe.

Ky event iu dedikohet të gjithë udhëheqësve të biznesit dhe profesionistëve të fushës së marketingut, me qëllim të avancimit të strategjive të marketingut digjital për të arritur më shumë sukses.

Ngjarja do të zhvillohet këtë të premte, duke filluar në ora 16:00. Pjesëmarrja në event është falas, por vende janë të limituara. Për të siguruar vendin tuaj, regjistrohuni duke klikuar në këtë LINK.

Ky event është vazhdimësi e ngjarjeve që HaPiTe ka organizuar, me qëllim të përmirësimit të aftësive dhe njohurive të profesionistëve të fushave të ndryshme, ndërtimit të rrjetit të kontakteve dhe identifikimit të mundësive të reja bashkëpunimi.

HaPiTe është një iniciativë e themeluar nga kompanitë Hallakate, Pixels dhe Telegrafi, me synimin e përbashkët të kontribuimit në rritjen e nivelit të dijes dhe inovacionit në shoqërinë tonë.

Rezervoni vendin tani!