I kërkoi policisë që ta ndihmojnë t’i propozojë martesë partneres, i riu nga Wisconsin ia arriti qëllimit

Shumë burra vendosin për lëvizje ekstreme, në mënyrë që të mbajnë në mend tërë jetën mënyrën sesi i kanë propozuar martesë partneres.

Kështu Troy Goldschmidt nga Eau Claire në Wisconsin, vendosi të bëjë diçka të tillë dhe ta filmojë që ta ruaj si kujtim, transmeton Telegrafi.

Troy kishte lutur policët që ta ndihmojnë në propozim, e videon e kësaj ngjarje e ka publikuar policia lokale në faqen e saj në Facebook.

Në video shihet sesi patrulla e policisë ndalë Troyn dhe të dashurën e tij Moriah, e më pas policët u kërkojnë që të dalin nga vetura.

Njëri nga policët shtiret kinse po arreston Troyn derisa e dashura e tij tenton të kuptojë se çfarë po ndodhte.

Troy më pas gjunjëzohet, nxjerr unazën dhe ia thotë “fjalët magjike”. Për fat, partnerja pranoi propozim e tij.

Dyshja falënderuan policinë që u ndihmuan të festojnë momentin e veçantë, kurse Troy në komentet nën video shkroi: “Faleminderit shumë! Më vjen mirë që e keni publikuar videon sepse mezi e mbajë në mend se çfarë kam thënë”. /Telegrafi/