Sëmundjet e lëkurës nuk shfaqen nga higjiena e dobët apo nga dietat, tregojnë dermatologët.
Një studim i ri ka zbuluar se ende ekzistojnë shumë mendime negative dhe të gabuara rreth akneve.
Hulumtuesit e këtij studimi kanë vendosur t’i studiojnë pjesëmarrësit duke u treguar atyre fotografi të akneve dhe sëmundjeve tjera të zakonshme të lëkurës, dhe i kanë pyetur të gjithë se çfarë mendojnë rreth sëmundjeve në fotografi, transmeton Telegrafi.
Më shumë se 62% e pjesëmarrësve kishin deklaruar se ndihen të nevrikosur nga fotografitë e akneve, dhe më shumë se 80% kanë thënë se ndjenjë mëshirë për ata njerëz që vuajnë nga aknet.
Por, brenga më e madhe është se më shumë se 2/3 e pjesëmarrësve kanë thënë se do të ndiheshin të turpëruar nëse do kishin akne dhe se dikush që vuan nga aknet nuk është tërheqës.
41% e këtyre pjesëmarrësve kanë bërë të ditur se nuk do të ndiheshin komod, nëse do të dilnin në publik me dikë që ka akne, dhe më shumë se 44% kanë thënë se nuk do të ndiheshin komod ta preknin një person me akne.
Shumë pjesëmarrës të këtij studimi kishin pasur keqkuptime të zakonshme rreth akneve.
55% gabimisht besojnë se aknet shkaktohen nga higjiena e dobët, gjysma kishin menduar se aknet janë infektive, dhe 37.5% kanë menduar se kjo sëmundje e lëkurës mund të jetë e ndërlidhur me ushqimin, respektivisht dietat.
“Isha befasuar nga këto rezultate. Duke e marrë parasysh që shumë njerëz e kanë përjetuar problemin e akneve, unë kam menduar se ata do të kishin më shumë mëshirë për pacientët që e kanë këtë sëmundje”, ka rrëfyer autorja e këtij studimi, Alexa Boer Kimball, drejtoreshë e një klinike, si dhe profesoreshë e dermatologjisë në “Harvard Medical School”, Boston.
“Padyshim që ka shumë keqkuptime pasi që njerëzit bëjnë supozime të gabuara rreth akneve dhe kjo është duke ndikuar në mendimin e pacientëve që vuajnë nga kjo sëmundje”, ka thënë Kimball.
“Aknet janë një sëmundje për të cilën nuk duhet të hezitoni të kërkoni ndihmë mjekësore. Ka trajtime efektive të cilat do ju ndihmojnë, e të cilat ua sugjeron dermatologu juaj”, ka shtuar ajo.
Këto hulumtime janë prezantuar në takimin vjetor të Akademisë Amerikane të dermatologjisë, në Washington, D.C.
Hulumtimet që prezantohen në takime shikohen përgjithësisht si hulumtime paraprake, derisa të publikohen në ndonjë gazetë e cila i ri-shikon ato.
Puçrrat e fytyrës, apo aknet, përndryshe janë ndër sëmundjet më të zakonshme në SHBA dhe i prek më shumë se 50 milionë amerikanë çdo vit. /Telegrafi/
Lufta Prigozhin - Putin
Më shumëNga Rubrika
Cilat vitamina mungojnë nëse ju bien flokët, ju mpihen duart apo keni ngërçe në stomak – çfarë duhet patjetër të hani
Ky është efekti surprizë që ka televizori te cilësia e gjumit dhe hormonet tuaja
Kujdes: Nëse i vëreni këto ndryshme në thonj, mund të jeni në rrezik!
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre