James Arthur ka konfirmuar se ka qenë në lidhje me Rita Orën, por ka treguar se këngëtarja shqiptare e kishte ndërprerë lidhjen me të pa ndonjë arsyetim paraprak, edhe pse më herët i kishte thënë se ka ndjenja për të.
“Unë dhe Rita po dilnim me njëri-tjetrin për disa muaj. Përnjëherë ndaluam së kontaktuari”.
Këngëtari britanik ishte në lidhje me Ritën në vitin 2013.
“Ndoshta ishte keq për imazhin e saj që ta shihnin me mua. Unë isha pak i hidhëruar rreth kësaj, sepse ajo më kishte thënë se ka ndjenja për mua”, ka tregua James për Evening Standard.
28-vjeçari ishte lidhur me krijuesen e hitit “Hot Right Now” në vitin 2013, një vit pasi e fitoi spektaklin për talentë, “X Factor”.
Rita e braktisi pa i thënë asgjë.
Ndryshe, Arthur është një këngëtar britanik , i cili pasi e fitoi shoun për talentë, debutoi me këngën “Impossible” që u pëlqye shumë në Britani të Madhe. /Telegrafi/
