Kendall Jennër ka shfaqur edhe një herë anën e dashur të saj duke bërë tifo për të dashurin basketbollist, Blake Griffin, në ndeshjen e Los Angeles Clippers të zhvilluar të shtunën.
Los Angeles Clippers që ka superyllin Blake Griffin në skuadër zhvilloi duelin e radhës ndaj Memphis Grizzlies në Staples Center.
Aty nuk ka mundur të mungojë 22 vjeçarja atraktive e cila shkëlqeu me buzët e saj të kuqe teksa kishte një xhemper të bardhë duke mbuluar edhe qafën, xhinse dhe këpucë të gjata nga Yves Saint Laurent në vlerë 10 mijë dollarë.
Kendall Jenner me këpucët e saj 10 mijë dollarëshe Yves Saint - Laurent. Foto: Getty Images
Ajo është parë duek u buzëqeshur teksa qëndroi në rreshtin e parë në parket të kësaj ndeshje, ku Clippers pësuan humbje me rezultat 113-104, përkundër faktit se Griffin shënoi 30 pikë.
Burimet e US Weekly raportuan kohë më parë se Jenner dhe basketbollisti 28 vjeçar filluan lidhjen në shtator dhe kanë dalë disa herë bashkë, e madje dolën edhe në darkë të dyfishtë me Kylie Jenner dhe Travis Scott. Ky takim ndodhi më 15 tetor.
Kendall duke e shikuar të dashurin Blake Griffin. Foto: Getty Images
“Kylie dhe Kendall vërtet janë parë duke u dashur dhe duke u përqafuar me të dashurit e tyre. Të dyja çiftet mbanin duart gjithë kohën dhe kishin krahun te njëri-tjetri”, ka thënë ky burim.
Nuk është hera e parë që Kendall Jenner shfaqet në një ndeshjet të Los Angeles Clippers, pasi ajo e bëri të njëjtën më 19 tetor në Staples Center.
Blake Griffin u motivua nga e dashura dhe shënoi 30 pikë. Foto: Getty Images
Kendall më parë është thënë se ka lidhje edhe me ASAP Rocky, teksa Griffin dhe e fejuara e tij Brynn Cameron u ndanë në korrik. Ata kanë dy fëmijë, djalin Ford (4 vjeç) dhe Finleyn (14 muajsh).
/Telegrafi/
