Kelmendi: Organizata “Shqiptaria” ka fyer fenë islame

Gëzim Kelmendi kryetar i partisë Fjala në Debat Plus ka folur rreth temës Kosova mes kombit dhe fesë.

Ai ka thënë për dikë është dashur të kalojnë 700 vite për ta kuptuar se ’’nuk qenkemi shqiptarë sa duhet’’.

’’Në fakt është e kundërta’’ ka thënë Kelmendi duke kritikuar përfaqësuesin e organizatës “Shqiptaria” për qëndrimin e tij rreth statistikave të dala nga ASK të cilat kanë nxjerrë se në Kosovë janë 93.49% mysliman.

Ai ka akuzuar organizatën “Shqiptaria” duke thënë se kanë fyer fenë islame.

Lexo po ashtu Beka: Parregullsi të shumta gjatë regjistrimit të popullsisë, u favorizua besimi islam

‘’Këta publikisht e kanë fyer fenë islame e jo individët, me fye individ fundi i fundit nuk çon peshë, por e kanë fyer fenë islame dhe këta janë objekt i hetimit të Prokurorisë dhe dhashtë Zoti që së shpejti të shkojnë aty ku e kanë vendin së bashku me kriminelët e tjerë dhe ata që nxisin urrejtje e përçarje’’, ka thënë Kelmendi.

Sa i përket statistikave të dala nga regjistrimi i popullsisë nga ASK, Kelmendi ka thënë se ato nuk janë nxjerr nga ndonjë OJQ por nga një institucion kredibil siç është ASK.