Katër ushqime esenciale për bukuri

Me kalimin e kohës, të gjitha femrat po mundohen të gjejnë mënyra sa më natyrale për të mbajtur lëkurën të bukur dhe të re. Dhe, natyrisht se kjo është mënyra më e mitë për të qenë e bukur.

Kafeja
Ka dëshmi shkencore se nëse konsumoni 1 deri në 2 kafe brenda ditës do të keni një pamje më të bukur. Kjo për arsye se kafeja është një nga produktet që ka sasinë më të madhe të antioksidantëve, nga të gjitha bimët. Në fakt një filxhan kafeje ju jep më shumë antioksidantë se një frutë, gjë që ndikon në bukurinë e lëkurës.

Limoni
Limoni është një ushqim i mrekullueshëm dhe i nevojshëm për lëkurën. Përmbajtja e tij nuk ka sheqer, por ka nivel shumë të lartë të vitaminës C. Ai ndihmon pastrimin dhe detoksikimin e mëlçisë, veshkave dhe zorrëve dhe kur janë organet e brendshme të pastra dhe lëkura juaj do të jetë e tillë.

Salmoni
Lista e ushqimeve që ndikojnë në lëkurën tuaj nuk do të ishte e plotë po të mos e shtojmë edhe salmonin. Ai është i pasur me Omega 3, vitaminë B, magnez, hekur dhe proteina. Këto e bëjnë salmonin shumë të preferuar për humbje të peshës, flokë, lëkurë, thonj.

Çokollata e zezë
Nga të gjitha ushqimet qe ndikojnë në bukurinë tuaj, çokollata duhet të jetë e preferuara. Sa i përket regjimit të bukurisë, çokollata duhet të jetë në menynë tuaj ditore, për shkak se e ndihmon mbrojtjen e lëkurës nga dielli, e bëri atë të duket më e re dhe i jep shkëlqim. /Telegrafi/