Katër trendë më të bukur për dekorimin e banjës për këtë vit

Në rast që njëri ndër vendimet tuaja të vitit të ri është rinovimi i banjës, kemi disa ide për ju

Banja këtë vit do të jetë perfekt moderne dhe e zbukuruar, që do të thotë se mjaft gjëra të cilat deri tani i kemi kuruar dhe inkorporuar në to do të dalin nga moda, transmeton Telegrafi.

Natyrisht, kjo nuk do të thotë që patjetër ta rinovoni gjithë banesën tuaj kur trendët ndryshohen, por thjesht ju orienton në cilin drejtim do të duhej të shkonit, nëse tashmë planifikoni ridizajnim të hapësirës suaj banesore apo të shtëpisë.

Vaskat e veçanta

Vaskat e veçanta pa këmbë janë dëshmi e përsosur i stilit modern. Vaskat e këtilla janë krijuar nga materiale të ndryshme siç janë druri apo guri dhe ofrohen në shumë ngjyra – nga e kaltra deri te ngjyra e zezë, kështu që shumë lehtë mund të gjeni modelin i cili do t’i përshtatet stilit që dëshironi.

A post shared by Natalie (@natkay.ca) on Dec 22, 2018 at 3:55pm PST

Vaskën tuaj mundeni lehtë ta zbukuroni me detaje të bukura metalike apo me rafte të vogla lëvizëse për qirinj aromatikë dhe cikërrima të tjera glamuroze.

Betoni

Ky material është tepër i popullarizuar në dekorimin e gjithë shtëpisë, posaçërisht të banjës. Betoni është i qëndrueshëm, lehtë mundeni vetë vendosni dhe nuk kërkon shumë kur është fjala për buxhetin tuaj.

A post shared by Make Life Purr (@makelifepurr) on Jul 28, 2018 at 1:18pm PDT

Mund të vendosni për banjën e cila është e tëra e punuar nga betoni apo nga vetë muret e betonit, dyshemetë, lavamanin, vaskën apo kabinën e dushit.

Pllakat

Thjesht, pllakat ngjyrë të bardhë ose ngjyra të lehta po kthehen në modë, andaj gjithnjë e më shpesh kemi rastin t’i shohim edhe në kuzhina edhe në banja të shtëpive të stilit modern dhe bashkëkohor. Në ofertë ka varietete të ndryshme të pllakave kur është fjala për dukjen dhe dimensionet e tyre dhe gjithnjë e më shumë nuk janë të përkufizuara vetëm në ngjyrën e bardhë.

A post shared by Hunker (@hunkerhome) on Dec 23, 2018 at 3:27pm PST

Me to mund të mbuloni gjithë banjën tuaj, vetëm muret, vetëm një mur, nëse vaskën apo lavamanin mund t’i kombinoni me pllakat e tjera në dysheme dhe me to të krijoni dukje krejtësisht të papritur, por moderne.

Pasqyra si dëshmi stili

Pasqyrat glomaze dhe me dimensione të mëdha janë të shkëlqyeshme për krijimin e detajit të theksuar në banjë, sepse në secilën hapësirë të këtillë dukja e tyre përshtatet perfekt, duke dyfishuar vizualisht hapësirën dhe duke reflektuar dritën.

A post shared by Maison Valentina (@maisonvalentinaa) on Dec 18, 2018 at 7:00am PST

Retro-pasqyrat do të krijojnë vibracione tepër fine në një hapësirë, por janë të përsosura për hapësira glamuroze, si kontrast i detajeve moderne. /Telegrafi/