Katër fluturime dhe udhëtim 24 orësh me tren, eksperienca e çmendur e babait me të birin drejt Baku për ndeshjen e Chelseat në Ligën e Evropës

Tifozët e futbollit janë të njohur për largësitë ekstreme që udhëtojnë për të ndjekur ekipet e tyre të zemrës, por pak kush do të udhëtonte si tifozët e Chelseat, Jake Ralph dhe Kevin Cobb.

Jake, 27 vjeç dhe Kevin, 59 vjeç, janë tifozë të dëshpëruar me koston e shikimit të finales së Ligës së Evropës në Baku të Azerbajxhanit sepse opsionet zyrtare ishin shumë të shtrenjta, pothuajse 1,000 mijë euro.

Lexo po ashtu Klopp: Finalja e Ligës së Kampionëve në Madrid është në rregull, por ajo e Ligës së Evropës në Baku është vendim qesharak

Në vend të kësaj, babai Kevin dhe djali Jake kanë vendosur të bëjnë rrugën e tyre për ndeshjen e 29 majit me destinacionin i cili përfshinë 5,571 kilometra.

Opsioni më i lirë aktualisht i disponueshëm në SkyScanner.net liston një fluturim tre ditorë me një ndalesë në Doha, çmimi i cili do të jetë 900 euro, por dyshja angleze do të bëjnë një udhëtim tetë ditor.

Lexo po ashtu Finalja që askush nuk po shkon ta shikojë – Arsenali dhe Chelsea hasin në vështirësi që t’i shesin biletat që iu takojnë

Cobbs u nisën nga Londra të martën mbrëma duke mbërritur në Stamboll. Të mërkurën ata kaluan ditën në kryeqytetin turk para se të udhëtonin për në Ankara, fluturim i cili zgjat një orë.

Pastaj vjen periudha më e pabesueshme e udhëtimit. Ata do të hipin në Dogu Express në Ankara të enjten mbrëma (sot) dhe do të udhëtojnë deri në Kars të Turqisë lindore, një udhëtim 24 orësh me tren që zgjat 1,310 kilometra.

Ata kanë rezervuar karrige të veçanta të gjumit gjatë udhëtimit, që kushtojnë afro 30 euro për dy persona, shumë kjo që është sa gjysma e shumës që Jake do të paguante një biletë ditore për të shkuar në punën.

Jake dhe Kevin pasi të zbresin në Kras do të lëvizin menjëherë për në Tsiblisi të Gjeorgjisë me taksi, përpara se të kalojnë fundjavën atje me tifozët e tjerë të Chelseat.

Ata do të udhëtojnë gjatë natës nga kryeqyteti gjeorgjian përsëri me tren duke mbërritur në Baku dy ditë të plota përpara ndeshjes.

Kur u pyetën se pse ata vendosën të udhëtonin në këtë mënyrë, Jake tha për Sportsmail: “Ne donim të bënim pak aventurë duke vizituar Bakun dhe qytetet e tjera. Ky udhëtim ndodh një herë në jetë, por edhe ky opsion kishte koston më të ulët”.

“Nga 1000 euro sa ishte çmimi zyrtar neve ky përjetim i çmendur na kushtoi 500 euro për secilin duke përfshirë gjithë eksperiencën”.

Jake si tifozë ka shikuar 53 ndeshje gjatë këtij sezonit dhe 677 në gjithë jetë, ndërsa babai i tij thotë se ka shikuar ndoshta dy herë më shumë.  /Telegrafi/