Aktorja 47 vjeçare ka treguar të dielën se ajo “tërbohet” kur njerëzit supozojnë se ajo ka shkuar nën thikë.

“Unë nuk kam pasur ndonjë operacion plastik”, i tha ajo Sunday Times.

“Nuk jam kundër njerëzve që kanë, por unë inatosem. Është një lloj miti se unë kam bërë operacione, teksa unë nuk kam bërë”.

Aktorja e “Underworld” e trashëgoi bukurinë e saj pa mbushje nga nëna e saj, e cila është aq “e dyshimtë” për trajtimet kozmetike, saqë “nuk do të bënte as një trajtim fytyre”.

“Jam e frikësuar nga paralizimi i fytyrës. Zëri i nënës sime është në kokën time, shumë i lartë, në çdo kohë”, shpjegoi aktorja, duke shtuar se as nuk është tunduar kurrë të provojë injeksione.

“Unë e di nëse do të bëja botoks, do të isha ajo që do të pasonte me një sy të varur dhe mamaja ime do të thoshte, ‘Unë të kam thënë! E sheh? Kurrë nuk duhet ta bësh atë’”.

Duket se gjenet e mira janë një dhuratë që Kate e vlerëson në maksimum. /Telegrafi/