Kryetari i Lëvizjes Besa, Bilall Kasami në intervistë për AIM, thotë se koalicioni me LSDM-në ka për qëllim të dëshmojë se Maqedonia ka kapacitet të ndërtojë shoqëri që do të jetë e barabartë për të gjithë.

“Është hera e parë të ketë një koalicion të tillë në zgjedhje kuvendare. Koalicione kishim edhe në zgjedhje lokale, më pastaj edhe në zgjedhjet presidenciale, kur BDI shkoi bashkërisht me LSDM”, tha Kasami, përcjell Telegrafi Maqedoni.

Sipas Kasamit, ky koalicion ka për detyrë të dëshmojë se Maqedonia ka kapacitet të ndërtojë shoqëri që do të jetë e barabarët pr të gjithë dhe të ndërtohet një shtet dhe institucione të barabarta për të gjitha.

Kasami shton se Lëvizja Besa për herë të parë hyn në koalicion parazgjedhor ku do të ofrojë zhvillim ekonomik, drejtësi për të gjithë dhe reforma në sistemin e drejtësisë.

Kasami potencoi se është krejtësisht normale si lider i Lëvizjes Besa të jetë bartës në njësinë zgjedhore./Telegrafi/