Karnavali “Golden Eagle”, për herë të dytë në Suharekë – më 22 Qershor

Data 22 qershor është rezervuar për Karnavalin “Golden Eagle” që për herë të dytë organizohet në qytetin e Suharekës.

Ky karnaval mirëpret të gjithë qytetaret e Kosovës, i cili pritet t’i jepe llojllojshmërinë e shumë ngjyrave qytetit për të gjitha grup moshat pa dallim, ku grupet pjesëmarrëse do të shfaqin vlerat e tyre artistike për të gjithë pjesëmarrësit në Karnavalin “Golden Eagle”.

Organizatoret thonë që të gjithë përgatitjet tash më janë bëre, që ky Karnaval të kthehet në një festë të madhe për qytetin.

Në edicionin e ti të dytë Karnavali “Golden Eagle” do të vijë me shumë surpriza, ku pjesëmarrëse do të jenë mbi njëzet grupe të ndryshme nga Kosova, Shqipëria, Mali i Zi, Kroacia, Meksika, Kili dhe Spanja dhe do t’i argëtojnë pjesëmarrësit, fillimisht duke parakaluar për gjatë rrugës kryesore të qytetit, dhe do të zhvendosen në skenën kryesore ku do të përformojnë disa nga grupet.

Ndërkaq kulmi i mbrëmjes do të jetë performanca në skenën e madhe nga Kastriot Rexha MAJK dhe Ronela Hajati.

Përveç argëtimit gjatë Karnavalit qytetaret do te kenë mundësi qe te shërbehen edhe me ushqim me çmime simbolike në shtandet qe janë të vendosura në qytet.

Karnavalin “Golden Eagle” mbahet me datë 22.06.2019 duke filluar nga ora 17:00 dhe do të vazhdojë gjerë në orët e vona të mbrëmjes së 22 Qershorit.