A kanë përfunduar shpresat e Varanes për paraqitje në Kupën e Botës

Raphael Varane është në pritje të diagnozës përfundimtare për një lëndim të kërdhokullës që kërcënon pjesëmarrjen e tij në Kupën e Botës, por indikacionet e hershme tregojnë se lëndimi nuk është i keq siç mendohej fillimisht.

Francezi pësoi lëndim gjatë pjesës së dytë të barazimit 1-1 të së shtunës me Chelsean në Stamford Bridge.

Mbrojtësi ishte dukshëm i shqetësuar teksa çaloi jashtë fushës mes frikës se shpresat e tij për të luajtur në Kupën e Botës muajin e ardhshëm kishin përfunduar.

United dhe Varane janë në pritje të lajmeve përfundimtare për shkallën e lëndimit, por testet fillestare kanë treguar se problemi nuk është aq i keq sa mendohej fillimisht.

Nëse indikacionet e hershme verifikohen nga ekzaminimet pasuese, Varane mund të ketë ende një shans për të qenë i aftë për Kupën e Botës, megjithëse është e qartë se ai është në një garë me kohën për të provuar gatishmërinë e tij.

Me pak më shumë se tre javë deri sa Franca të përballet me Australinë në ndeshjen e tyre hapëse në grup, duken pak shanse që Varane të paraqitet për United para fillimit të turneut.

Megjithatë, trajneri i Francës, Didier Deschamps, ende mund të vendosë të përfshijë Varanen në listën e tij të fundit prej 26 lojtarësh, edhe nëse ai nuk luan para Katarit. /Telegrafi/