Kampioni në fuqi i NBA, Golden State Warriors ka marrë një fitore të radhës në ‘Oracle Arena’.
Vendasit kanë triumfuar lehtësisht ndaj Los Angeles Lakers me shtatë pikë diferencë 113-106 edhe pse gjatë ndeshjes kishin epërsi të lartë deri në 23 pikë.
Mungesa e fundorit Stephen Curry dhe qendrës Zaza Pachulia nuk janë ndjerë fare në këtë takim, pasi Kevin Durant ishte i disponuar për lojë.
Durant pati paraqitje fantastike me 33 pikë të shënuar, shtatë kërcime dhe shtatë asistime.
Paraqitje të mirë pati edhe Jordan Bell me 20 pikë e 10 kërcime, ndërsa Klay Thompson shtoi 16 të tjera.
Te Lakers ka vazhduar paraqitje fantastike e talentit Kyle Kuzma që shënoi 27 pikë e 14 kërcime, ndërsa u ndihmua nga Lonzo Ball që shënoi tri pikë më pak e Julius Randle me 21 pikë, por që nuk mjaftuan të shkaktojnë befasinë e radhës.
Kësisoj Golden State Warriors kanë marrë pozitën e parë në Konferencën Perëndimore me 26 fitore dhe gjashtë disfata, ndërkohë LA Lakers zënë vendin e 11-të me 11 fitore e 19 disfata.
Houston Rockets ka pësuar edhe një tjetër humbje dhe përsëri nga një skuadër e Kalifornisë.
‘Raketat’ janë mposhtur nga Los Angeles CLippers me 10 pikë diferencë 118-128 edhe pse kishin epërsi deri në 15 pikë.
Austin Rivers me 36 pikë e shtatë asistime si dhe Lou Williams me 32 pikë ishin më meritorët për këtë fitore të Clippers.
James Harden pati një paraqitje spektakolare me 51 pikë e tetë asistime por që nuk mjaftuan për fitoren e Houston.
Fitorja e tretë radhazi ka ardhur edhe për Oklahoma City Thunder që kanë mposhtur skuadrën më të dobët në ligë Atlanta Hawks 120-117.
Russell Westbrook me 30 pikë e 15 asistime ishte më i miri në parket, i ndihmua edhe nga dy yjet tjerë Carmelo Anthony e Paul George që shënuan nga 24 respektivisht 17 pikë.
Fitorja ndaj Hwaks e ngritë në pozitën e pestë në konferencën Perëndimore OKC-në që në ndeshjen e radhës përballet me Utah Jazz. /Telegrafi/ Rezultatet: Detroit Pistons – New York Knicks 104-101
Orlando Magic – New Orleans Pelicans 97-111
Brooklyn Nets – Washington Wizards 119-84
Houston Rockets – LA Clippers 118-128
Miami Heat – Dallas Mavericsk 113-101
Milwaukee Bucks – Charlotte Hornets 109-104
Oklahoma City Thunder – Atlanta Hawks 120-117
Portland Trail Blazers – Denver Nuggets 85-102
Golden State Warriors – LA LAkers 113-106
