Kameruni zë vendin e tretë në Kupën e Kombeve të Afrikës pas një rikthimi sensacional

Kameruni ka fituar ndaj Burkina Fasos në ndeshjen për vendin e tretë në Kupën e Kombeve të Afrikës dhe atë pas penalltive, pasi koha e rregullt u mbyll 3-3.

Kamerunasit bën një ndeshje të madhe, pasi ishin duke pësuar me rezultat 3-0 pas 49 minutave lojë, por shënuan tri herë në kohën e rregullt për ta dërguar ndeshjen në penallti.

Steeve Yago hapi ndeshjen me një goditje gjysmën volej për të mposhtur portierin André Onanan (1-0).

https://twitter.com/_jcak/status/1490052355559206922

Onana ishte protagonist te goli i dytë i Burkina Fasos, pasi lejoi topin duke menduar se po dilte jashtë, por që përfundoi në rrjetë për 2-0.

Djibril Ouattara shënoi në fillimin e pjesës së dytë për Burkina Fason për 3-0, duke u menduar që ndeshja u mbyll.

https://twitter.com/FootbaIlForYou/status/1490055600897622016

Kameruni fillimisht arriti të shënojë një gol ngushëllues, pasi Stephane Bahoken përfitoi në zonë për të shënuar për 3-1.

https://twitter.com/FootbaIlForYou/status/1490061152272797696

Aboubakar u sigurua që t’i jepte fund kësaj gare si golashënuesi më i mirë, duke tundur rrjetën me një goditje me kokë për 3-2 në minutën e 85-të.

Kapiteni i Kamerunit nuk u ndal me kaq dhe shënoi edhe njëherë pas dy minutash për 3-3.

https://twitter.com/FootbaIlForYou/status/1490065106444513284

Pas kësaj ndeshja shkoi në penallti, ndërsa Burkina Faso gaboi goditjen e tretë që u mbrojt nga Onana për t’i dhënë Kamerunit vendin e tretë. /Telegrafi/

Bronze. Medal. Winners. 🥉

An epic comeback gifts the Indomitable Lions a 3rd-place finish at home! 🦁#TotalEnergiesAFCON2021 | #AFCON2021 | #TeamCameroon | @FecafootOfficie pic.twitter.com/R6VNlvRZns

— CAF (@CAF_Online) February 5, 2022