MPB njofton se është ngritur kallëzim penal ndaj një personi në Gostivar, për shkak se dyshohet se ka uzurpuar tokën shtetërore.
"Zyra e Jashtme e Çështjeve Kriminalistike Gostivar ngriti kallëzim penal kundër F.O. (66) nga f. Raven, rrethina e Gostivarit, për shkak të ekzistimit të bazave të dyshimit për kryerjen e veprës penale "uzurpim i patundshmërive".
I denoncuari, gjatë shtatorit 2025, në fshatin Raven ka bërë gërmimin e tokës në dy parcela shtetërore me qëllim që t'i përvetësojë dhe shfrytëzojë për ndërtim në mënyrë të kundërligjshme", thuhet në njoftimin e MPB-së./Telegrafi/
