Kafenetë kanadeze ndryshojnë emrin e “Kafesë Amerikane”, si përgjigje ndaj tarifave të Trump dhe SHBA-së

Disa kafene në Kanada po ndryshojnë emrin e një pije të njohur ndërkombëtarisht në përgjigje të presidencës së Donald Trump.

Që kur fitoi zgjedhjet dhe u betua në detyrë, presidenti Donald Trump ka bërë komente të shumta që kanë shkaktuar polemika mes kanadezëve.

Këto variojnë nga propozimi i Kanadasë për t’u bërë shteti i 51-të, deri tek thirrja e kryeministrit aktual të vendit, Justin Trudeau, “Guvernatori Trudeau”.

Ai propozoi gjithashtu një tarifë të re 25% për mallrat kanadeze për të detyruar vendin të forcojë kufijtë e tij dhe të ndalojë rrjedhën e fentanilit vdekjeprurës në Shtetet e Bashkuara, përcjell Telegrafi.

Dhe mediat, kohët e fundit po raportojnë se kanadezët, të indinjuar nga deklaratat e Trump dhe politika tarifore, tani po i referohen pijeve të kafesë “Americano”, të bëra nga espresso dhe ujë të nxehtë, si “Canadianos”.

William Oliveira, pronari i Cafe Belém me bazë në Toronto, tha për The Post se megjithëse ai nuk dëshiron që kafeneja e tij të jetë një “vend politik”, ai donte të tregonte mbështetje për vendin e tij.

Oliveira pohoi se klientët e shohin të zgjuar ndryshimin e emrit dhe se kur dikush porosit një Americano, punonjësit me shaka i informojnë ata se nuk është emri i saktë i pijes. /Telegrafi/