Kacarska kërcënon me paraburgim të ri Mukoskin, Arnaudovin dhe Vasilevskin

Gjyqtarja Dobrilla Kacarska, e cila udhëheq procesin gjyqësor për hyrjen e dhunshme në Kuvend që ndodhi më 27 prill vitin e kaluar, kërcënoi se deputetët e akuzuar Krsto Mukoski, Ljuben Arnaudov dhe Sasho Vasillevski përsëri do të paraburgosen për shkak se lëshuan seancën pa e informuar atë më parë.

Avokati i Vasilevskit në fillim të pjesës së dytë të seancës së sotme informoi se tre deputetët janë në koordimin në Kuvend duke kërkuar pauzë një orëshe. Gjyqtarja Kacarska tha për atë nuk është e rëndësishme nëse janë deputetë apo qytetarë të thjeshtë dhe se radhën tjetër do t’ju shqiptojë masën e paraburgimit, përcjell Telegrafi Maqedoni.

“A e dini se sa e rëndësishme është për mua nëse janë deputetë apo qytetarë të thjeshtë? Mund të marrin vetëm dënim më të rreptë. Pse nuk thatë parës se do t’ju duhej edhe një orë pauzë? Herën tjetër nëse përsëritet kjo, do t’u shqiptoj masën e paraburgimit”, tha gjyqtarja Dobrilla Kacarska duke përfunduar me seancën e sotme.

Lexo po ashtu Anulohet seanca për 27 prillin, deputetët e akuzuar në takim koordinues në Kuvend

Vasilevski, Arnaudov dhe Mukoski janë pjesë e grupit të pavarur të grupit të deputetëve të OBRM-PDUKM-së që votuan “për” ndryshimet kushtetuese./Telegrafi/