Juventusi dhe Altetico Madridi po punojnë për shkëmbimin Morata-Kean

Juventusi ka qenë në bisedime me Atletico Madrid për Alvaro Moratan dhe italianët për të arritur te sulmuesi spanjoll kanë ofruar një marrëveshje shkëmbimi ku përfshihet Moise Kean.

Sulmuesi 29-vjeçar spanjoll ishte një lojtar i rëndësishëm nën drejtimin e Massimiliano Allegrit këtë sezon, duke shënuar nëntë gola dhe duke dhënë shtatë asistime në 35 paraqitje në Serie A.

Morata luajti një rol kyç te Juve dhe humbja e tij këtë verë do të ishte një goditje për Bianconerët.

Ai iu bashkua Juventusit si huazim dy-vjeçar me vlerë 20 milionë euro në shtator 2020 dhe tani ai do të kthehet në Spanjë.

Marrëveshja e tij e huazimit ka të bashkangjitur një opsion blerjeje prej 35 milionë euro, një shifër që konsiderohet e madhe nga Zonja e Vjetër.

Siç raportohet nga Gianluca Di Marzio, Juventus dhe Atletico tani po shqyrtojnë idenë për të dërguar Keanin në Spanjë në këmbim të Moratas.

Diego Simeone ende nuk i ka dhënë dritën jeshile lëvizjes dhe për momentin është thjesht një ide mes dy klubeve, por mund të zhvillohet me kalimin e ditëve. /Telegrafi/