Juventusi mund të apelojë kartonin e kuq të Cristiano Ronaldos kundër Valencias, por nuk pritet të ketë sukses, pasi ata do të duhet të dëshmojnë "një gabim të dukshëm" nga ana e gjyqtarit.
Ylli portugez u largua nga fusha pas 29 minutave lojë në fitoren e mbrëmshme të Juventusit, pasi e goditi dhe e tërhoqi për flokë mbrojtësin Jeison Murillo.
Sipas nenit 9 të rregulloreve të UEFA-s, "vendimet e marra nga gjyqtari në fushën e lojës janë përfundimtare dhe nuk mund të rishikohen nga organet disiplinore të UEFA-s".
Megjithatë, në rastet kur një vendim nga gjyqtari përfshin një gabim të dukshëm atëherë rishikimet e pasojave disiplinore të atij vendimi mund të rishikohen.
Për dy kartonë të verdhë, një apel do të ishte i pranueshëm vetëm në rastin e identitetit të gabuar, por për një të kuq direkt, rregullat parashikojnë një gabim të dukshëm të llojeve të tjera.
Sipas mediumit Sky, Bianconerët do të kërkojnë të apelojnë në bazë se Ronaldo u largua për sjellje të dhunshme, kur në të vërtetë nuk kishte sjellje të dhunshme.
Neni 56 shpjegon se Juventusi duhet të ankohet brenda 24 orëve me shkrim në bordin e Kontrollit, Etikës dhe Disiplinës, duke paguar një shumë prej 1,000 eurosh e cila do të rimbursohej vetëm nëse pezullimi i Ronaldos largohet.
Çdo ankesë ka shumë pak gjasa të jetë suksesshme, pasi edhe nëse kartoni i kuq mund të mos ketë qenë i ashpër, nuk ka gjasa të përmbushë kriteret për një "gabim të dukshëm" të gjyqtarit./Telegrafi/
