Juventus dhe Szczesny ndërpresin kontratën me marrëveshje, polaku i lirë të gjejë klub ë ri

Wojciech Szczesny është zyrtarisht lojtar i lirë pas shtatë sezonesh me Juventusin, pasi ai dhe klubi arritën një marrëveshje reciproke për të ndërprerë kontratën të mërkurën pasdite.

Ish portieri i Arsenalit dhe Romës tani është i lirë të negociojë me çdo klub tjetër për të mbyllur transferimin pa pagesë.

“Faleminderit për gjithçka Tek dhe fat të mirë në të ardhmen”, shkroi Zonja e Vjetër në një deklaratë në faqen e internetit të klubit.

Thank you for everything, Tek!

— JuventusFC 🇬🇧🇺🇸 (@juventusfcen) August 14, 2024

Szczesny bëri 252 paraqitje në të gjitha garat gjatë kohës së tij me Juventusin dhe së fundmi u bë një nga vetëm shtatë lojtarët e huaj që grumbulloi 200 paraqitje në Serie A për Bianconerët.

Kontrata e tij do të përfundonte në më pak se 12 muaj, në verën e vitit 2025.

Pozicioni i Szczesny si titullar për Bianconerët u vu në dyshim kur klubi nënshkroi me Michele Di Gregorio nga Monza në fillim të këtij afati kalimtar.

Lexo po ashtu Fali Ramadani takohet me drejtuesit e Romës, agjenti shqiptar po i dërgon dy sulmues në kryeqytetin italian

Që atëherë, italiani ka nisur në të gjitha miqësoret parasezonale të Juves nën drejtimin e trajnerit të ri Thiago Motta.

Motta e ka bërë të qartë se ka disa ish lojtarë të rregullt të ekipit të parë të Juventusit, të cilët tani nuk janë më pjesë e planeve të klubit përfshijnë Federico Chiesa, Weston McKennie dhe Arkadiusz Milik. /Telegrafi/