Juventusi është treguar bindës kundër Genoas në ndeshjen e javës së 33-të në Serie A. Zonja e Vjetër fitoi me rezultat 4-0.
Rezultati u zhbllokua në minutën e 17-të, kur në përpjekje për të shmangur një top nga Claudio Marchisio, Ezequiel Munoz e dërgoi topin në rrjetën e gabuar.
(Getty Images)
Menjëherë pas, përmes disa kombinimeve, Paulo Dybala doli në rast dhe e dyfishoi epërsinë (19’). Asistimi ishte i Sami Khediras.
Dhe për ta mbyllur për mrekulli pjesën e parë u kujdes Mario Mandzukic, i cili përmes një solo aksioni e shënoi golin e tretë (41’).
Në gjysmën e dytë i erdhi shansi për të shënuar edhe Leonardo Bonuccit, i cili vrapoi vetëm drejt portës dhe dërgoi një goditje të pandalshme (64’).
Juventusi vazhdon kryesimin në Serie A me 83 pikë, 11 më shumë se Roma që të hënën luan kundër Pescaras. /Telegrafi/
https://www.dailymotion.com/video/x5jgfd8_ezequiel-munoz-own-goal-hd-juventus-1-0-genoa-23-04-2017-full-replay_sport
https://www.dailymotion.com/video/x5jgfx6_paulo-dybala-goal-juventus-vs-genoa-2-0-23-04-2017-hd_sport
https://www.dailymotion.com/video/x5jggt7_3-0-mario-mandzukic-fantastic-goal-hd-juventus-vs-genoa-serie-a-23-04-2017-hd_sport
https://www.dailymotion.com/video/x5jgja0_4-0-leonardo-bonucci-super-goal-hd-juventus-f-c-vs-genoa-c-f-c-serie-a-23-04-2017_sport
