Justin Bieber planifikon dasmë madhështore me Hailey Baldwin

Ylli i muzikës pop, Justin Bieber, mezi po e pret dasmën me gruan e tij, Hailey Baldwin, këtë herë në mesin e të gjithë familjes dhe miqve të ngushtë.

Një burim ka thënë për ET se 25-vjeçari dhe 22-vjeçarja janë duke u “përgatitur për ngjarjen e jetës së tyre” dhe do të martohen më vonë këtë muaj në Karolinën e Jugut.

Megjithëse çifti është martuar me ligj shtatorin e kaluar – ata u kurorëzuan në një ceremoni private në gjyq në New York City – burimi thotë se hera e dytë do të jetë domethënëse për më të dashurit e tyre si dhe për besimin e fortë që kanë me njëri-tjetrin.

“Ata donin të festonin dashurinë dhe unitetin e tyre përpara njerëzve që duan, veçanërisht Zotit”, thotë burimi.

Sipas burimit, ceremonia do të jetë sa më private dhe do përfshijë vetëm familjen. “Dasma do të jetë një përrallë me lule të larta, drita dhe një aheng të gjithanshëm”, thotë burimi. “Justin mezi pret të festojë ditën e veçantë me të gjithë”.

Përveç kësaj, Justin së fundmi ka qenë i hapur për betejat e tij me shëndetin mendor dhe sipas burimit, këngëtari aktualisht është duke bërë më mirë ndërsa planifikon dasmën e tij.

Lexo po ashtu Justin Bieber bën një postim emocional për të kaluarën teksa flet për përdorimin e drogës

“Justin ka pasur uljet dhe ngritjet e tij, por Hailey është shkëmbi i vazhdueshëm nëpër periudha të vështira si kjo”, ka thënë më tej burimi. “Justin do organizojë dasmën në një vend shumë të mirë, mezi pret t’i tregojë të gjithëve dashurinë që ai dhe Hailey ndajnë”. /Telegrafi/

https://www.instagram.com/p/B17JfkkHEKt/?utm_source=ig_embed