Viti 2017 është një vit i paharrueshëm për Anthony Joshuan dhe vazhdon të bëhet gjithnjë e më i mirë për kampionin e peshave të rënda.
Britaniku e nënshtroi Wladimir Klitschkon në superduelin e muajit prill që u zhvillua në Wembley.
(Instagram)
Ndërsa pas njoftimit për meçin e tij të radhës, kundër sfiduesit për IBF Kubrat Pulev, 27-vjeçari mori çmimin e Sportistit të Vitit në ceremoninë e ndarjes së çmimeve nga GQ.
Në këtë ceremoni, Joshua u shoqërua nga një tjetër emër i boksit britanik, ish-kampioni i WBA, David Haye, i cili e uroi për çmimin.
(Getty Images)
“Urime kampionit Anthony Joshua, i cili e fitoi çmimin e sportistit të vitit nga GQ. Po ashtu, vëllai i madh Idris Elba ishte aty që gjërat të shkonin qetë dhe me stil!”, ka shkruar Haye në Instagram. /Telegrafi/
(Getty Images)
